ORANJESTAD – Durante e produccion di paspoort Hulandes na Hulanda, den lunanan di april, mei y juni, a sosode un fayo tecnico. Asina gabinete di Gobernador y Censo a bisa diamars den un comunicado. Segun e comunicado, door di e fayo aki, tin e posibilidad cu den algun di e paspoortnan e caracteristicanan electronico di autenticidad den e chip, no ta funcionando. No tin ningun indicacion cu e fayo di produccion aki lo a causa problema na frontera, ora di controla e paspoort. E paspoortnan ta keda valido, aunke tin e fayo den e chip. Ta trata solamente di paspoortnan cu a wordo produci den e periodo di april, mei y juni 2018 cu e numero serial ta caba cu 3. E numero aki bo por wak e riba e parti dilanti di e pagina di e tenedo di paspoort banda robes ariba.
Di e 2216 paspoortnan duna dor di Censo den e periodo di april, mei y juni 2018 di cua e numero serial ta caba cu 3, posiblemente lo por tin un fayo tecnico den 20 paspoort. Di e 20 paspoortnan duna dor di gabinete di Gobernador den e periodo di april, mei y juni 2018 di cua e numero serial ta caba cu 3, posiblemente lo por tin un fayo tecnico den e paspoort.
Si e persona a aplica pa un paspoort nobo den e periodo di april, mei y juni 2018 di cua e numero serial ta caba cu 3, bo por controla esaki pa e siguiente manera.
- Download e app ‘BZK-ID’ gratis via Google Play Store. (e app aki solamente ta traha cu celullar Andriod cu NFC reader).
- Pa instruccion detaya con pa uza e app aki, wak riba http://www.censo.aw/main/instructies-en-controle paspoort/
Si e persona a aplica pa paspoort den e periodo di april, mei y juni 2018, y e numero serial ta caba cu 3, e paspoort mester wordo controla cu e app aki. Si despues di e controle cu e app ta resulta cu no tin fayo tecnico, e persona no mester haci nada, e paspoort ta bon. Si despues di e control aki cu e app ta resulta cu e ta bisa cu tin un fayo tecnico, bo por haci un peticion pa saca un paspoort nobo.
Si e paspoort a wordo pidi na Censo, lo bo por traha un cita riba www.censo.aw. Si e paspoort a wordo pidi na gabinete di gobernador, lo bo por traha un cita riba www.kabga.aw. E paspoortnan cu fayo tecnico lo wordo reemplaza sin costo algun. Personanan cu tin nan vacantie planea caba, por bay sin ningun problema y por controla esaki despues di nan vacantie.
DEN HAAG – E instituto Real Meteorologico di Hulanda KNMI ta spera un temporada di horcan hopi activo pa 2024. Asina e instituto ta bisa den su raportahe awe riba su porta. E temperaturanan den laman ta hopi cayente cu ta net loke e sistemanan tropical mester pa fomenta e ciclonan den Atlantico y Caribe. “E temperature cayente por tin hopi influencia riba e temporada di horcan di 2024” KNMI ta bisa. “Nos ta spera un temporada di horcan hopi activo mes”.
DEN HAAG - Instituto Hulandes pa Siguridat Públiko (Nederlandse Instituut voor Publieke Veiligheid (NIPV) awe ta transferí tres pòmp mobil di emergensia i nan baki ku slan pertenesiente, na Brantwer di Marina. Dentro di poko tempu nan lo bai pa Kòrsou i Aruba. E sistema di kònteinernan HCP aki ta intenshoná pa kazèrnenan di Marina riba e islanan. Pero Brantwer lokal tambe por hasi uso di nan na momentu di inundashon. Brantwer di Marina i NIPV awe a firma e akuerdo di transferensha.
SCHEVENINGEN – Siman pasa diabierna Minister Geoffrey Wever a haci un bishita na The Pier Skyview na Scheveningen, Hulanda, unda e mandatario a reuni cu interesadonan priva cu a expresa nan entusiasmo pa introduci un atraccion similar na Aruba, specificamente den e ciudad di Oranjestad.
DEN HAAG –Minister Plenipotenciario mr. Ady Thijsen y esposa a tene un recepcion pa celebra Dia di Himno y Bandera na Hulanda. Desde 2015 Arubahuis ta tene un recepcion pa invitadonan for di e mundo politico, embahadornan, functionarionan halto di Estado of di ministerionan cu lasonan estrecho cu Aruba. Tambe miembronan prominente for di e comunidad Arubiano na Hulanda y representantenan commercial y di institutonan di enseñansa tanto riba nivel di HBO como Universidad.
AMSTERDAM – E Conseho di Investigacion pa Seguridad Hulandes (OVV) ta investigando un accidente riba un barco crucero di Holland America Line di siman pasa. Riba e barco Nieuw Amsterdam, cu ta nabega bou di e bandera Hulandes, tabatin un accidente unda cu dos tripulante a fayece. Esaki a sosode den cercania di Bahamas, ora cu algo a pasa den camber di motor. Segun informacion, tabatin un explosion. E barco a sali dia 16 di maart ultimo for di Ft Lauderdale pa un crucero di un siman.
DEN HAAG – E corant Hulandes AD a retira e articulo cu e prominente di partido VVD Hans Hoogervorst ta wak su mes como candidato pa prome minister nobo di Hulanda den e proximo gabinete. “Nos ta ofrece nos disculpa pa e conmocion crea’ e corant ta raporta. Aparentemente un persona a presenta sum es como Hoogervorst y e corant a cay pa e trampa. E motibo di cu nan a revoca e noticia, ta pasobra e ex politico a menasa di cuminsa un investigacion forensico pa cu e forma con e noticia a keda publica. E tabata un periodo caba for di bista como politico, y tabata den pasado ex minister di finanza y salud. Segun Hoogervorst, nunca e la papia cu e corant. E corant sinembargo tabata convenci cu esey tabata e caso si. Pero despues a dicidi pa revoca e noticia toch.