Kvk contento cu kier uza tereno na waf pa vivienda pa local

Posted on 07/16/2018 3:58 pm AST | Updated on 07/16/2018 3:58 pm AST

ORANJESTAD – Camara di comercio ta sostene e idea di gobierno pa ofrece cierto tereno pa vivienda, cu no ta esun den centro di Aruba sino cu bista pa laman, of tambe traha casnan den forma vertical debi na limitacion di espacio. E ta papia di e tereno unda cu tabatin freezone riba waf. Pa loke ta e plan di vertikale woningbouw, esaki tambe ta zona posiiivo segun Randall Croes, miembro di Kvk. Segun Croes, E ta evita rosamento innecesario di tereno y scapa naturalesa. Particularmente Croes a duna un ‘aplauso’ na e cambio di idea di proyecto aki . Ademas e idea pa elimina burocracia pa bende tereno eigendom tambe ta zona positivo.

VERKAVEL

Croes ta sugeri pa, mirando e situacion di scarcedad di tereno erfpacht, pa asisti esnan cu tin tereno eigendom pa usa esaki. Pero pa logra esaki, mester bypass cierto regla. Tin miles di tereno aki cu no por wordo ‘verkaveld entre e herederonan pasobra mester di miyon pa traha caminda y acera, y nunca nan lo yega na dje. Como tal, segun Croes, e terenonan ey nunca lo wordo desaroya. A pensa riba un posibel ley di ‘crisis’, cu pa durante e 5 aña di crisis aki, suspende e exigencia pa verkavel y laga pone caminda di graniet, pone banchi di acera y laga WEB, Elmar y Setar instala infrastructura, cu mesun trato igual cu ora cu tereno di gobierno haya reparticion den verkavelingsplan.

VERTICALE WONING BOUW

Specificamente, Croes ta papia di e Landsverordening bevordering verticale woning bouw,- mas specifico -, pa bin cu un ley pa stimula verticale woningbouw.Aki ta sugeri pa e.o. presta un tax holiday pa empresanan cu traha edificio di mas di 3 piso ocupa 100% pa residente permanente di Aruba. Lo duna un flat tax di grondbelasting di 1000 florin, por ehemplo. Entre otro si bende cu no-residente, e incentivo ta verval, pa evita cu ta stimula esaki pa stranhero (no residencia na Aruba). Tambe por duna un tax holiday di winstbelasting 15 aña, pa sea huur of benta, cu normanan minimo pa e casnan. Como ehempel, Croes ta sugeri por ehemplo, 2 camber 1 baño y 1/2 baño, washok, balcon, sala/comedor, parking na ground floor (und aki ta spaar tereno atrobe), lift, solar panel ariba parking di bishitante pafor, gazebo y area social, insulation pa spaar energia, ventilacion natural (shutters pa tapa awa di drenta) etc. Tur esaki segun Croes, ta formanan cu gobierno por actua, genera placa pa su caha y tene cuenta cu e situacion di vivienda den temporada di crisis.

BIBA NA WAF

Bek pa e area na waf, Croes a mustra cu pa e tereno ey, esnan cu opta pa biba eynan, no mester di capital. Nan lo tin capital local dispuesto pa inverti den edificio, y banconan y institucionnan financiero willing pa duna hipoteca pa local. Sigur mirando e calidad di bida eynan, y cu hende pues cu tin capital por biba eynan. Pero mester aplike bon si.

  • Powered by SETAR