ORANJESTAD – E yiu homber chikito di Shahaira Geerman como unico na Aruba tin e enfermedad di cuero extremamente raro Epidermolysis Bullosa, cu tambe ta yama cuero di barbulet. Mescos cu pa otro enfermedad raro, tin poco òf niun spesialismo di esaki na e isla. “E prome añanan tabata dificil pasobra no tabatin conocemento ni sosten”, Geerman ta conta. “Niun hende no por a bisa nos kiko nos lo bai pasa aden. Asta e dokter di mucha no tabata sa.”
BEST FRIEND FOUNDATION
Pa contribui na mas conocemento di enfermedad raro i pa sostene mayor cu yiu cu tin un enfermedad raro, dos luna pasa Geerman ku su amiga a cuminsa e Best Friends Foundation (BFF)
EMIGRA
Geerman ta mira cu enfermedad raro na Aruba ainda no ta haña basta atencion, mientras cu nan tey sigur. “Pero hopi mayor cu un yiu cu un enfermedad raro awor por ehempel ta biba na Hulanda. Esaki casi ta obligatorio pa nan,” Na prome instancia docternan a conseha su famia tambe di pensa pa bay biba na Hulanda, pero na Aruba a resulta di ta mas miho pa Ethan. Esaki a bira cla ora cu a papia cu specialistanan di Blaarcentrum na Groningen.
AZV
E seguro medico nacional AZV tambe por conseha mayor cu yiu cu enfermedad raro di emigra, bocero di AZV Solange Tchong ta splica. “Den algun caso raro bo mester keda haña tratamento pa bida largo. Asta si bo duna tur loke por haña na e isla, esaki tog por ta limita compara cu un otro pais caminda tin binti of mas caso asina.”
YUDA OTRO
Fundacion BFF ke colecta directiva i investigacion di otro enfermedad raro, pa asina nan por sostene mayor den futuro. Geerman: “Asina nos ta prepara cu conocemento ora un yiuchi cu un enfermedad raro nace na e isla i nos por recuri mesora na e personanan di contacto adecua.
RARO
Mundialmente no tin un definicion fiho di ‘un enfermedad raro’. Aruba ta uza directiva europeo; ta bisa cu enfermedad ta raro si no tin mas cu 5 riba 10 mil habitante cu tin e. No tin cifra exacto di e cantidad di hende na Aruba cu tin un enfermedad raro, pero ta balua cu ta mas o menos 6 porciento di poblacion. Enfermedad cu ta describi como raro ta por ehempel cystic fibrosis, enfermedad di sekelsèl i diferente tipo di cancer cerca mucha, manera non-hodgkin.
Ret Karibense Auto Bobby Spier. Potret: Bobby Spier
ORANJESTAD - Den e prome kwartaal di 2024, por spera cifranan prometedor y solido pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA ta raporta diahuebs. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’.
ORANJESTAD – Diahuebs 14 di maart, Minister di Turismo y Salud Publico Sr. Dangui Oduber a ricibi un invitacion pa bishita Aruba Boutique and Art Hotel cu lo habri nan porta dia 1 di April 2024. Un boutique hotel nobo den curason di Palm Beach cu lo forma parti como miembro di e marca Best Western Signature Collection.
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.