Grupo ta menaza cu paso legal contra futuro centro di reciclahe na Pos Chiquito

ORANJESTAD – Un grupo di habitante di Pos Chiquito a protesta awe na Bestuurskantoor contra di e binimento di un centro di reciclahe na e ex edificio di DTI. Lider pa ex parlamentario Desiree De Sousa Croes, e grupo a informa cu nan a colecta 1808 voto como un cantidad simbolico pa e cantidad di voto cu actual minister Otmar Oduber di medio ambiente a ricibi den e ultimo eleccion. A pidi entre otro pa para e mudamento di e parti di Serlimar cu ta bin eynan, no obstante cu e mudamento y preparacion de facto a cuminsa caba. A bisa cu lo bisa ‘no te final’ riba e proyecto. Lo duna un tempo cortico, pa e mandatario reacciona, sino lo bay corte pa para e proyecto aki.