Resolviendo problema di congestiamento na aeropuerto Beatrix

ORANJESTAD – Pa mas tarda otro aña aeropuerto Reina Beatrix lo no mester tin mas problema cu fluho di pasahero stanca. NoticiaCla a haya confirmacion cu otro siman lo tin personanan di Preclearance mericano pa mira e proceso cu kier inicia na aeropuerto pa amplia e forma di atende cu e fluho di pasahero na e area mericano tambe. E intencion ta pa limita e cantidad di check point di 5 te na 2 door di elimina e.o. un parti di recohe maleta. E ta un proceso complica cu ta rekeri bon planificacion y tambe placa, pa restructura henter un area na aeropuerto. E mandatario encarga cu aeropuerto a prik pa otro aña probablemente e problema structural di congestionamento di pasahero por ta tras di lomba.

Pa logra esaki sinembargo, mester di aprobacion di e.o. e Border Patrol di Merca, Pre Clearance, CBP. Lo tin cu bay inverti miyones pa adkeri ekiponan sofistica cu ta haci e trabou di piki maleta manera cu e ta sosode awor. Ta trata di ekiponan manera cu ta conoci cu e happy flow (tin 4 caba na Aruba) y kier aumenta esaki te na 10 machine. Esey ta pone cu practicamente no mester atende mas cu e oficialnan di imigracion , y relax e fluho di pasahero. Si tur cos cana bon, (mester haya aprobacion di Merca riba varios punto) y otro siman por keda cla, otro aña por inverti y haci e ahuste nan pa por keda cla. Un di e problemanan ta cu a construi e aeropuerto na 1997 pa atende cu 3 miyon pasahero, siendo cu aworaki nos ta pasando esaki. Como tal mester haci cambio y acelera e proceso di cambio.