KVK: Serlimar por a regla cobranza di sushi di otro forma

ORANJESTAD – Camara di Comercio lo a prefera otro solucion pa cobranza di piki sushi. Asina e miembronan di directiva di e gremio a declara diahuebs durante un conferencia di prensa. Particularmente e hecho cu esun cu lomba hancho mester carga pa esun ‘chikito’. Lo a prefera pa no tin un cobramento pe pasobra semper gobierno desde historia di recohe sushi a cuminsa, ta gobierno a paga pe y tabatin medida semper pa yuda paga e gastonan aki. Awor cu gobierno a introduci un pago diferente pe, tin cu biba cu ne pero Kvk a sugeri algun forma con pa haci esaki miho.

SUGERENCIANAN

Randall Croes di Kvk a sugeri e.o. pa bin cu ‘statie geld’. E ta haci cu famia y negoshi lo recohe nan cantidad di sushi, bay na un caminda cu bo ta entrege y haya placa bek. Henter Europa tine segun Croes. E ta reduci e gasto di recohemento di sushi di Serlimar. Pa gobierno e ta reduci gasto y nos por yuda e tarifa bira menos. Otro sugerencia ta cu por separa sushi mas tempran, cu baki di diferente colo, tanto na cas como den oficina. Pa ora cu Serlimar recoge sushi, e ta hacie cu mas frecuencia pa cierto colornan, y di biaha tin e separacion di sushi, cu ta scapa e problema ey y scapa placa. Y finalmente, e forma di paga, sea ta pa tamaño di cas, of cantidad di hende cu ta biba eynan. Pasobra no ta husto segun Croes, pa cobra un persona djies pasobra e ta gana mas, e tin cu paga mas pa un producto. Bo por haci esey cu impuesto, pero no ora cu bo ta cumpra un producto. Croes a mustra cu ta prefera cobra sushi pa persona. Ta pone 20 florin pa persona manera e situacion ta na Corsou.