E portal ‘E Arubiano’ mester rectifica declaracion contra Staring

E portal ‘E Arubiano’ mester rectifica declaracion contra Staring

Posted on 07/12/2018 12:04 pm AST | Updated on 07/12/2018 12:06 pm AST

ORANJESTAD – E portal di noticia ‘E Arubiano’ tin tres dia pa rectifica un articulo contra director di dept. di Salud Jerry Staring, sino tin cu paga un multa te maximo di 25 mil florin. Asina corte a dicta diahuebs mainta segun e sentencia cu NoticiaCla tin den su poder. Staring a hiba e portal y su propietario corte, pasobra e portal a publica un articulo infunda cu ta atacha e credibilidad y bon nomber di e director. E portal a nenga di haci tal, cu consecuencia cu a bay para den corte. Falta di prueba di e acusacion, falta di investigacion pa hustifica acusacion di e fuente di e articulo, y falta di duna e director chens pa reacciona, a conduci na un sentencia na fabor di e director.

E CASO

Staring a pidi e portal su director (Farrah Boekhoudt) pa rectifica un articulo publica dia 25 di mei ultimo. E articulo tabata uno cu Staring a considera negativo, yen di informacion incorecto. Ora cu a acerca e portal, su director a informa cu e articulo ta basa riba un documento anonimo di trahadonan disgusta, y tambe informacion ricibi di un trahado cu ta representa un sindicato, esta Jayburt Dijkhof riba e tema. Sinembargo e informacion di tanto e carta anonimo como esun di Dijkhof, no ta cuadra cu hechos segun Staring, pa cual e kier a haya un rectificacion. Corte a sita na banda di Staring, argumentando cu e portal y e persona Dijkhof no a substancia nan informacion suficiente y como tal no por considera e informacion publica como ‘hustifica’, y cu e hechos presenta no ta corecto, cu Boekhoudt no a haci su investigacion manera mester ta, y no a duna Staring un chens pa replica. Basa riba esaki a ordena e portal pa rectifica cu un texto specifico, y pa cual e portal a haya tres dia pa haci tal. Lesa e sentencia AKI.

  • Corte: Homber a haya 8 aña castigo di prison pa a abusa su dos yiunan

    Corte: Homber a haya 8 aña castigo di prison pa a abusa su dos yiunan

    ORANJESTAD – E homber R. a haya un castigo di 8 aña di prison diabierna mainta, pa a abusa su dos yiunan menor di edad y saca uno na estado. E castigo ta conforme peticion di fiscal. E acusacion tabata cu entre 2013 y 2018 e homber a tene relacion sexual cu su dos yiu muher di bou di 12 y 16 aña di edad. Den corte luna pasa ora cu e caso a sosode, e homber a admiti e cargonan aki. Rapport di psychiater ta mustra cu e homber su inteligencia ta abou y segun e expert, R no ta ‘completamente responsabel pa su actonan’. Interesante ta cu durante e caso, hopi cos a bin dilanti cu no tabata conoci ni pa polis durante investigacion. E homber tabata un tipo machista, cu tabata prohibi su yiunan di sali. Huez durante tratamento di e caso a mustra cu e homber a abusa di e confiansa cu su yiunan tabatin den dje y a laga nan marca pa resto di nan bida. Ambos mucha muher ta bou di tratamento di un specialista. 

  • Abogado Lejuez a entrega keho contra Danies pa menasa

    Abogado Lejuez a entrega keho contra Danies pa menasa

    ORANJESTAD – Abogado defensor di e sospechoso T. den caso di abuso contra dos mucha (yiunan di ciudadano R. Danies) cu a tuma lugar diahuebs mainta, a entrega un denuncia contra di Danies despues di tratamento di e caso. Lejuez a confirma na NoticiaCla diahuebs, cu enberdad prome cu e cuminsa cu su defensa, Danies a cuminsa grite den bos halto, cu stem blokea pa e glas cu tabata separa e tribuna, cu e ta bin pa e abogado. “Chris mi ta bin pabo. Unda cu bo ta” tabata algun di e gritonan. Hasta cu el a menasa e abogado cu morto. Mirando e situacion, seguridad a saca Danies for di e sala ey, y Lejuez a continua cu su defensa. Lejuez a confirma tambe pa NoticiaCla cu na final, Lejuez a entrega un denuncia mesora na fiscal, pa menasa di morto contra dje. 

  • Fiscal a pidi vrijspraak pa sospechoso di abuso contra yiunan di Danies

    Fiscal a pidi vrijspraak pa sospechoso di abuso contra yiunan di Danies

    ORANJESTAD – Loke a bin como sorpresa pa hopi hende diahuebs den e caso di tratamento di e sospechoso di abuso contra yiunan di e conocido ciudadano Danies, ta cu fiscal a pidi ‘vrijspraak’ osea absolucion pa e sospechoso. Tabata awe mainta te den oranan di atardi cu corte a trata e caso penal contra e homber T., acusa di a haci actonan inmoral cu dos mucha muher, yiunan di e conocido ciudadano R. Danies. 

  • Autoridad Mericano yudando cu investigacion di e morto riba bapor crucero

    Autoridad Mericano yudando cu investigacion di e morto riba bapor crucero

    ORANJESTAD – Autoridad Mericano ta yudando cu investigacion di e morto riba e bapor crucero Royal Princess. Asina vocero di ministerio publico Ann Angela a confirma pa NoticiaCla diaranson mainta . Manera ta conoci, ora cu e bapor crucero a drenta Aruba diamars mainta, a informa autoridad di e caso lamentable. E momento ey no tabata cla ainda kico exactamente a sosode. Despues den dia detayes di e caso a cuminsa bira conoci, y tabata papia despues di un possible caso di asesinato, aunke autoridad local tabata cuidadoso cu esey. 

  • Tanto e periodista como polis den caso di radio, den libertad atrobe

    Tanto e periodista como polis den caso di radio, den libertad atrobe

    ORANJESTAD – Tanto e periodista Nelson A. como e polis Rasmijn ta recobra nan libertad diahuebs merdia. Asina NoticiaCla a haya confirma di vocero di ministerio publico Ann Angela. Mescos cu ta e caso cu e otro periodistanan cu tabata deteni, den e caso aki tambe e periodista A. y e polis lo keda si como sospechoso den e caso di hortamento y heling di un radio di polis. 

  • Periodista deteni a drenta welga di hamber como protesta

      Periodista deteni a drenta welga di hamber como protesta

    ORANJESTAD – Periodista deteni Nelson A. lo a drenta un welga di hamber. Asina abogado di A. Chris Lejuez a confirma pa NoticiaCla. Según Lejuez, A. a dicidi di tuma e accion aki for di diamars caba como protesta cu nan tin’e deteni sin cu tin motibo. El a bisa na varios ocasión según informacion ricibi, cu e no a paga ningun polis pa informacion, e no a horta ningun radio di polis y no a haya ningun radio na su cas tampoco. A. ta deteni for di diamars mainta, y despues di su prome interogacion (el a opta pa usa su derecho di keda keto y a bisa masha poco mes), a pone den ‘verzekering’, cu  ta básicamente prolongación di su detencion pa 2 dia. Diahuebs awor huez comisario tin cu dicidi si ta prolonga e detencion of ta dune su libertad.

  • Powered by SETAR