Hasta ‘wifi minister mester a regla pa polis haya na warda

ORANJESTAD – Pa straño cu ta zona, mester tabata minister di husticia cu mester a regla pa wardanan di polis tin wifi den e edificio, siendo cu esaki mester keda regla na un nivel mas abou. Por lo menos esey e minister encarga cu husticia Andin Bikker a anuncia. E mandatario a bisa cu mescos cu e tin responsabilidad pa prove cosnan grandi, e mester prove cosnan ‘chikito’ manera wifi, descartando e pregunta con bin ta un minister mester regla e cos aki y si no tin un hende den henter e cuerpo of warda cu por y mester regla esaki, enbez di un minister. 

INTERNET REGULAR

‘El a confirma cu tin internet berdad regular, segun e minister di husticia Andin Bikker, pero no tabatin wifi. Esey a pone cu agentenan policial mester a usa nan propio data di telefon pa por a usa internet. Na warda di Shaba, nan tabata pone cen hunto pa por tin wifi. For di awe tardi 3’or a inaugura e sistema di wifi den e edificio di Wilhelminastraat y lo sigui asina pa tur e otro facilidadnan.