Caso fraude dept. Enseñansa den corte na november

ORANJESTAD – Fin di luna di november e cuater sospechosonan den caso di fraude na dept. di Enseñansa, G.M.Q.T, V.F.F.Q, Y.R y E.T. lo presenta den corte. Ministerio Publico ta dje avansa den su investigacion cue caso ta practicamente cla pa wordo trata. Sinembargo, segun vocero di Ministerio Publico Ann Angela na NoticiaCla.com, ora cu e 4 sospechosonan presenta, esaki lo ta a base pro forma, esta sin contenido. Mas despues lo pone e siguiente fecha pa e caso oficial mes tuma lugar. Mientrastanto tur e 4 sospechosonan ta keda deteni na KIA.

E caso a hala hopi atencion ora cu esaki a bira conoci algun luna pasa. Un caso asina grandi cu a afecta un gran cantidad di studiante cu mester a biaha pa exterior pa sea cuminsa of continua cu nan estudio. E prome informacion tabata cu durante un periodo di cuater aña, dos empleado di departamento di enseñansa cu a cay sera recientemente, a comete nan actonan illegal. Ministerio Publico a confirma e periodo durante cual e personanan aki tabata activo. Ta trata di Augustus 2010 pa July di 2014 cu tanto sospechoso T y Q a ‘disparce’ un suma di casi 1 miyon florin na placa. Mes momento Ministerio Publico por a confirma cu tabatin mas detencion na caminda. Algo cu nan no tabata confortable ainda pa divulga. Algun dia despues, 2 persona mas cay sera.

E cargonan ta keda igual y ta falsificacion di firma, labamento di placa y estafa. E montante di placa enberdad a aumenta di 750.000 florin cu lo a wordo frauda, a aumenta te 1 miyon florin awor. Algo cu inicialmente Ministerio Publico no kier a bay mucho aden. “

For di momento cu e personanan aki a cay sera, e la crea un snowball effect, cu rapidamente a conduci na un serie di problema serio pa e departamento y consecuentemente e studiantenan cu mester a biaha pa exterior pa sigui cu nan estudio, of pa otronan, simplemente continua cu di nan. Tabata siman pasa ainda cu e directora Proveyer Groot a confirma cu e detencion aki a causa parti di e problema cu studiantenan no por a haya nan placa na tempo.