REALARUBA.ESTATE a lansa nan portal mas completo di Aruba

ORANJESTAD – E Asociacion di Real Estate Agents di Aruba, AAR conhuntamente cu Dot 1 Technologies, recientemente a lansa e website mas avansa y completo di real estate na Aruba, www.realaruba.estate.

Riba e website aki bishitantenan por busca informacion y haya un lista completo y al dia di casi tur propiedadnan na benta y na huur riba Aruba. Door di e sociedad cu e 15 companianan mas grandi di real estate y maneho di propiedad di Aruba, realaruba.estate ta presenta mas di 80% di e mercado di real estate riba nos isla. Esaki ta haci realaruba.estate e portal mas grandi di real estate na Aruba.

E website a wordo diseña y desaroya pa Dot 1 Technologies. E website aki ta uno moderno cu diferente funcionalidad nan cu ta haci e interaccion cu e usuario hopi mas placentero. Bishitantenan di e website lo por busca propiedadnan via un “Map Search”. Un tool cu ta haci buscamento di propiedad hopi facil door di click riba un area riba e mapa. E website nobo ta desaroya cu e ultimo technologianan cual ta optimalisa e website pa tur smartphones y tablets.

E lansamento di e website aki ta simbolisa e inicio di un era nobo con pa busca y haña propiedad na Aruba. Lo bay enfoca riba mercado local pero tambe lo bay usa tacticanan pa presenta e website aki riba mercado international pa asina tur persona den exterior cu ta interesa pa cumpra of huur un propiedad na Aruba, por tin acceso na e portal aki.

AAR conhuntamente cu Dot 1 Technologies kier a invita e comunidad Arubano en general y esnan cu ta buscando propiedad pa cumpra of huur pa bishita e website nobo www.realaruba.estate.