Douaneronan a bay den accion pa falta di atencion di minister

ORANJESTAD – Douaneronan a bay den accion pasobra nan no ta hayando atencion di nan minister Xiomara Ruiz Maduro. Aeropuerto y waf y hoofdkantoor lo ta plat (sin douane) segun e sindicato SADA. E mandatario a laga sa ,segun e sindicato SADA, cu e tin hopi trabou y cu no por a atende esaki. A priminti cu lo por manda su conseheronan. A priminti segun e presidente di sindicato Edward Maduro, cu despues di tratamento di presupuesto lo douane haya atencion. Algo cu no a sosode y e trahadonan a dicidi cu ta basta y a bay den accion. E presidente di SADA mientrastanto a bisa cu tin un reunion cu prome minister Wever diabierna atardi y ta spera cu aki por haya atencion. NOTA. Potret ta di archivo di NoticiaCla di un accion previo di douane na aeropuerto.