Kvk contento cu ta pushando fast ferry pa bira realidad

ORANJESTAD – Camara di Comercio y Industria di Aruba (KvK) ta contento cu gobierno ta pushando pa e inciativa di e fast ferry bira un realidad. Nan reuni cu e representantenan di gobierno y e compania Icasus Caribbean riba e tema recientemente. Según Kvk, e ta contribui tambe na crea y stimula comercio na San Nicolas. Sr. Ton Janssen (Icasus Caribbean) a duna un presentacion caminda a splica over diferente analysis cu nan a haci pa por tin tur e condicionnan faborabel pa un fast ferry por funciona. Ya caba nan a bishita Boneiro y Corsow cu a mustra di ta hopi positivo y ta para tras e proyecto di fast ferry. Boneiro tin algun asunto cu mester atende prome cu por participa na esaki pero Corsow di su banda a indica di ta para tras e proyecto di fast ferry. A menciona cu e asociacionnan di turismo di Corsow y di Aruba tambe ta apoya mirando cu esaki ta trece cune mas oportunidadnan cu ta yuda pa turismo por crece.