Conocido presentador di noticia Ruben Trapenberg a fayece

ORANJESTAD - Mundo di periodismo y farandula ta na luto. E conocido presentador di noticia y periodista RubenTrapenberg a fayece awe marduga. E noticia a bin totalmente di sorpresa mirando cu recientemente e la bolbe di Hulanda cu animo pa traha ya cu a sa di vence e malesa cu e tabatin, por lo menos pa awor. Pesey ora cu e noticia a drenta marduga cu e la fayece di un ataca, a sorprende henter e isla. Ruben tabata un persona hopi stima, y pa motibo di su trabou, tabata hopi conoci y keri. 

TRATAMENTO

Dos luna pasa Ruben a bolbe Aruba despues di a permanece 4 luna na Hulanda, y tabata asina bon cu e la cuminsa traha bek na radio Hits 100FM. A logra domina su malesa di cancer y e mester a simplemente adapta su bida y sigui padilanti. E malesa mes a keda descubri despues di e eleccion parlamentario 2017 como lymphoma non-hodgkin'. E la biaha pa Hulanda pa tratamento medico y na mei a bolbe Aruba. 

CARERA

Ruben ta un musico conoci cu a drenta mundo di farandula como locutor di programa rokero. Despues e la haci e paso pa noticia y cuminsa labora na ATV como presentador di noticia. Despues di algun aña el a cambia pa Telearuba unda cu e la sigui su labornan como presentador y periodista. Ultimo añanan e tabata presenta noticia na radio Hits 100FM, algu cu e la haci ainda te siman pasa. E ta laga 2 yiu muher atras y su casa. Ruben, colega, sosega na paz. Forza na famianan.