Romero a confirma cu a nombra su ‘ex’ den dos directiva di NV di gobierno

ORANJESTAD – Minister Chris Romero a admiti cu un ‘ex’ pareha di dje ta nombra den directiva di tanto Setar y Arubus, pero cu e no ta casa cu e persona aki y ta separa di dje. E mandatario a sigura cu no ta nada malo y cu e nombracion ta pa un periodo temporal. E pregunta inicial, ta cu e mandatario lo a nombra su casa den directiva di companianan di gobierno, y cu si esey ta etico y posibel. E mandatario mesora a referi na su dedenan y a mustra cu ‘cu mi sa mi no tin ningun renchi na mi dede’, y ‘ ta separa’, indicando cu e no ta casa cu e persona cu el a nombra.