- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Gwendeline van Trikt-Rojer Regional Director nobo Quota International Region 10
ORANJESTAD - Recientemente, Quota International Inc. a tene nan Reunion Annual pa Region 10 cu a tuma lugar na Landgoed Zonheuvel Doorn, Hulanda y como Regional Director 2108-2020, di Region 10 a keda nomina y eligi den persona di Sra. Gwendeline van Trikt-Rojer di Quota International Aruba.
Gwendeline van Trikt-Rojer ta un miembro activo di Quota desde 2011 y a ocupa diferente puestonan den Quota International Aruba su directiva, entre otro, Director di Development & Growth 2013-2014, Director di Service Projects 2014-2015, Vice-Presidente 2015-2016 y Presidente di 2016-2017.
Durante e reunion aki, tur Quota Club di Region 10 a encontra cu otro y junto ta eligi un Regional Director nobo, cual function ta encera e tarea pa representa Quota International Inc pa dos anja consecutive y tin cu lidera y supervisa e Region. Alavez e meta di e reunion annual aki ta pa intercambia ideanan pa projectonan na benficio di communidad y pa sigi enforza e metanan di e organizashon. Un total di 60 miembro a participa.
Region 10 di Quota International Inc. ta consisti di e sigiente Quota Clubnan: Quota International of Aruba, Quota International of Curacao, Quota International of Curacao Silver, Quota International of St. Eustatius. Quota International of Trinidad & Tobago, Quota International of Suriname, Quota International of Amsterdam-Hulanda, Quota International of Rotterdam -Hulanda y Quota International of Zeist -Hulanda.
Presente tambe na e reuion importante aki tawata Presidente di Quota International Inc. Sra. Marie Dawson, kende a viaja especial for di Canada pa Hulanda pa atende e reunion aki.
Durante e parti di celebrashon , Presidente di Quota International Inc., Sra. Marie Dawson conjuntamente cu Regional Director, Region 10- Saliente, Sra. Valentina Cijntje-Engelhardt a haci e acto ceremonial official y anuncia cu e Regional Director 2018-2020 pa Region 10 ta Sra. Gwendeline van Trikt-Rojer.
Quota International Inc. ta un organizashon internacional di servicio consistiendo solamente di hende muher ejecutivo cu ta traha voluntariamente pa yuda instancianan cu ta traha cu personanan cu limitacion di oido, hende muhe y muchanan den situacionan di abuso y esnan mas vulnerabel den nos comunidad.