Mas cu 115 compania a registra pa Europe Meets the Americas

ORANJESTAD - E pre-event di ‘Green Aruba: Europe Meets the Americas’ (GA-EMA) cu a tuma luga ayera na compleho di Alhambra Casino a conoce un registro mas grandi cu a premira inicialmente. Un total di 115 compania local a registra pa atende e evento na Alhambra y finalmente a presenta mas representante di companianan local cu a dicidi di participa na ultimo ora.

E anochi tabata uno cu informacion tocante di e conferencia ‘Green Aruba: Europe Meets the Americas cu ta tuma luga 22 te 25 di October y tambe e tipo di comercio cu por desaroya entre e continentenan Europeo y Americano. Oradonan pa e anochi tabata representante di companianan cu experiencia na Aruba y cu tin experiencia comercial entre e continentenan Europeo, Americano of e region Caribense. Entre nan tabatin representante di VNO, Sr. Gerard van der Wulp Sr. Rothmar Coenraad, representando AFAS, Sra. Esther Pezij, di e organisacion tras di GA-EMA, Sr. Robert-Jan Moon, Freddy Kelkboom, representando EcoTec, Sr. Ru Croes, di MedWork, y Prome Minister Mike Eman a elaborando ampliamente riba e conferencia