- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Citgo Aruba a cambia varios hende den posicion clave
SAN NICOLAS – CITGO Aruba a cambia varios persona den posicion clave di liderazgo incluyendo su Vice Presidente y Gerente General. E Vice presidente y Gerente General nobo di CITGO Aruba ta bira Luis Marquez y ta reemplaza asina Raymond Buckley. E cambionan di persona na e refineria na San Nicolas ta tuma lugar efectivo inmediatamente. E cambionan aki ta inclui:
Luis Marquez a wordo nombra Vicepresidente y Gerente General di CITGO Aruba Refinery. Luis a cuminsa su carera na 1981 como ingeniero di proceso na e refineria Amuay na Venezuela y a ocupa varios posicion gerencial na diferente compan?ia, incluyendo Qui?micas Tapa Tapa C.A., Baker Quimicas de Venezuela C.A., Bitor, S.A., PDVSA International Refining, PDVSA Argentina, PDVSA Ecuador, y Petroceden?o, un joint venture di PDVSA, Total y Statoil. Luis tin un titulo den ingenieria kimico di Universidad de Los Andes, Merida, Venezuela.
Edward Oduber, Gerente General di Servicionan Tecnico y Administrativo ta wordo asigna den un forma interim como e Gerente di Projecto onsite na e refineria pa e rehabilitacion di e CITGO Aruba Refinery durante Fase II di e Projecto. Durante e periodo aki Edward ta asigna pa tempo completo na e esfuerzo aki y lo reporta na Luis Marquez. Edward a cuminsa traha na e refineria na San Nicolas na 1990 y a ocupa varios posicion gerencial pa CITGO Aruba, Valero Aruba y Coastal Aruba. Edward tin un titulo den ingenieria kimico di Worcester Polytechnic Institute.
Joe Crawford Jr. lo sigui como Gerente General di Mantencion y Operacion y lo reporta na Luis Marquez. Joe lo sigui cu e responsabilidad di liderazgo diario di e partinan operacional di e facilidad conhuntamente cu e facilidadnan di cargacion, terminal y red di distribucion. Durante e tempo aki Joe lo tin tambe bou di dje e staff di Servicionan Tecnico y Administrativo y nan responsabilidadnan. Prome cu e la bin CITGO Aruba, Joe tabata tin diferente posicion na e refineria di CITGO na Corpus Christi y cu Valero Energy Corporation. Joe tin un titulo den ingenieria kimico di Texas A&M University.