Fundacion Hospice Atardi ta bira e prome hospice na Aruba

ORANJESTAD - Fundacion Hospice Atardi ta bira e prome hospice na Aruba. E ta un servicio nobo introduci na Aruba unda cu un total di 6 persona cu un malesa terminal, por keda pasa nan ultimo tempo di bida. E ta un operacion situa na e ex cas di Ho Sing Loy na Cura Cabay, y lo tin un costo annual di 600 mil florin pa aña.

AZV CONTENTO

Di parti di AZV, e director Anco Ringeling a bisa di ta hopi contento cu e iniciativa. AZV ta bay yuda financia e iniciativa aki aunke cu nan no ta e unico partner, sino hunto cu Hospital. Esey tin di haber cu nos ley actual cu un ‘hospice atardi’ no ta un tipo di cuido cu por wordo financia directamente segun ley. Si un pashent ta den fase cu e ta den hospital of hospice, ta preferible pa e keda den e hospice. E ora hospital lo indica esey, of e specialistanan cu ta yama ‘Ziekenhuis verplaatste zorg’. E ambiente di hospital no ta esun mas adecuado pa e pashent cu ta bay den un hospice. Cruz Cora tambe ta un support agency den esaki.

PETER PAUL HERMANS DOCTER DI CAS PENSIONA

A cuminsa cu e idea pa un hospice 4 aña pasa segun Peter Paul Hermans, ex docter di cas pensiona. Esaki pasobra segun Hermans, e cuido parlativo no ta asina bon manera cu nos lo kier pa e ta. Hende cu ta den fase terminal di nan bida, no por wordo yuda suficiente na nan cas y mester e bay hospital. Pero pa un hende cu ta terminal, e no por pasobra p.e. hende no por keda cubo henter ora, sino solamente ora di bishita. Pesey a lanta hospice. Na Hulanda e prome hospice a lanta 30 aña pasa mientras cu Corsou tin 3 hospice caba cu ta traslada den 22 cama. Den comunidad, nan ta hopi contento cu un hospice. Pesey a lanta un hospice na Aruba. A cuminsa cu e fundacion 4 aña pasa. Pero e tabata un tiki dificil pa haya AZV pa duna placa, pasobra den ley ta poni cu AZV ta curafief y no ‘paliatief’. Esey ta e cos mas dificil segun Hermans. Pesey awor a haya e formule manera un transferencia di cuido di hospital pa hospice ta miho. Normalmente ta trata di hende cu tin p.e. 3 luna di bida. Segun Hermans, lo ta ideal si haya mas hospice of un facilidad cu por tin por lo menos 12 cama mas, osea lugar pa 12 persona mas.

CUANTO HOSPICE NA ARUBA

E volumen e necesidad pa Aruba pa tin un hospice, AZV no por bisa. E ta un proceso, un taboe, pa constata cu e persona mester acepta cu no por haci nada pa e persona ey. E proceso ey ta na comienso pa wordo discuti segun director di AZV, y ta spera cu por stimula e face.

GASTO

E gastonan di 600 mil pa aña ta wordo comparti entre hospital y AZV. AZV a duna un garantia pa awor, pa e operacion por funciona. Pues enberdad e gastonan na inicio lo wordo cubri pa un gran parti pa AZV.

CRUZ CORA

Cruz Cora tambe ta forma parti di e organisacion y lo aporta cu por lo menos 40 voluntario cu lo traha 5 ora pa siman na e facilidad. Segun e director Michel La Haye, nan ta identifica nan mes cu e tipo di ayudo aki y mesora a aporta cu ayudo y tambe cu medionan financiero unda cu por. Esnan cu ta interesa y dispuesto pa aporta, por meld na Cruz Cora y asina sigui un entrenamento di Cruz Cora prome cu nan por cuminsa haci e trabou na e hospice. E tipo di entrenamento ta bay ta poco mas diferente cu esun cu un voluntario normal ta haya, pues manera ora cu un voluntario ta wordo use pa bay cubri sitionan di calamidad.