Dialuna awor ta ultimo dia pa paga e impuesto di vehiculo di motor

ORANJESTAD – Departamento di Impuesto ta recorda tur don?o di vehiculo di motor cu dia 2 di juli proximo ta ultimo dia pa paga e impuesto di vehiculo di motor di e di dos mita di an?a 2018. Entrante 3 di juli 2018 tur automobilista cu ta uzando e careteranan publico mester tin e belasting di an?a 2018 completamente paga. Esaki ta nifica tambe cu tur vehiculo mester tin e sticker roos pega riba e windshield.

DIANAN DRUK

Departamento di Impuesto ta conseha su clientenan pa haci e pago di belasting na tempo y no warda te na ultimo, mirando cu ta premira cu den e siguiente dianan lo bay bira druk. Por haci e pago na oficina sea na Camacuri of den districto. Ta recomendabel pa haci e pago di impuesto di vehiculo di motor via ‘Online Banking’ pa mas comfortabilidad. E sistemanan digital di e banconan ta facil y sigur. Despues di 5 dia di trabou por pasa busca e sticker na nos oficina na Camacuri.

COBRANSA ADICIONAL

Departamento di Impuesto lo cuminsa prepara pa saca e cobransanan adicional di impuesto di vehiculo di motor di an?a 2018 pa esnan cu no a cumpli cu e pago stipula den ley. Si un cliente no haci e pago of haci e pago despues di dia 2 di juli, e lo por bay haya un cobransa adicional inclui boet. E cobransa adicional lo bay costa e cliente mucho mas di loke e lo mester a paga na belasting. Pesey ta recomendabel pa no pospone e pago, no laga e debe keda acumula, pa asina evita di paga di mas.