Control social a mehora riba beach cu trabou di Taskforce

ORANJESTAD - Taskforce Beach policy activamenta a bay ta haciendo un tremendo trabou durante di e ultimo lunanan. Den unda un tempo relativamente corto a logra reestablece ordo cu tabata necesario riba nos beachnan. E Taskforce a mustra operadornan riba nos beachnan riba e puntonan stipula den e Beach Policy y kico cada operador of ‘vergunning houder’ mester cumpli cu ne y a percura pa enforsa e reglanan aki por medio di control ta tumando luga regularente.

Pa locual ta e controlnan, sr. Robert Maduro di DIP a indica cu e cooperacion cu ta ricibi cerca operadornan di entre otro watersport y hotelnan ta hopi mas mihor. DIP y Polis ta efectuando e controlnan y percura cu operadornan ta sigui cumpli pa locual ta e cantidad di entre otro stoel y parasol cu nan mag di tin di acuerdo cu nan permiso y tambe unda esakinan mag di ta poni. Hopi biaha ta ricibi tip di biaha di e companianan di watersport cu ta cumpliendo awor cabalmente kende ta yama bisa cu tin uno cu no ta cumpliendo, of ta haya reclamo di hotelnan tambe pa locual ta otronan den nan cercania cu no ta den cumplimento. Pues e ‘social control’ ta basta skerpi aworaki cual ta facilita e ehecucion di e Beach Policy. Recientemente DIP a percura pa saca e facturanan nobo pa reestablece e permisonan unda cu cada operador ta haya nan vergunning nobo den cual a ‘verscherp’ e condicionnan pa opera, sr. Maduro a splica.

Finalmente sr. Maduro a enfatisa cu e ‘3 strikes out policy’ ta na vigor y lo percura pa sigui controla y percura pa cumplimento den tur aspecto. Esaki na bienstar di area y pa minimalisa e retonan cu tabata conoce regularmente riba nos beachnan y pa eventualemente nan bira algo di pasado. Considerando con importante e ta, na bienestar di nos Pais, pa esnan cu ta opera riba nos beachnan por duna bon servicio.