S&P: Credit rating di Aruba ta keda BBB+ pero cu panorama negativo

ORANJESTAD – E agencia di credito Standard & Poor's a mantene e rating di Aruba na BBB+ pero a baha e panorama di stabil pa negativo. Esaki ta un resultado di evaluacion di e bishita di e agencia recientemente na Aruba na luna di april. Durante e bishita aki nan a bishita gobierno y sector priva. cu a topa cu varios actornan den gobierno y sector priva.

PANORAMA

E ratings outlook osea e panorama, cual ta refleha e prospecto cu Standard & Poor's ta hiba pa un mehoracion di e rating den futuro immediato, a bira negativo. Esaki reflehando e hecho cu crecemento economico lo no ta manera cu anteriormente esaki a wordo premira aña pasa y e peso mas grandi di debe di gobierno compara cu locual tambe a wordo premira aña pasa. E situacion di crecemento economico grandemente e resultado di e situacion rond di e refineria y e situacion di debe resultado di projeccionan demasiado optimista cu a wordo uza anteriormente. Aña pasa Standard & Poor's ya caba a baha e outlook for di "positive" pa "stabil".

INTERPRETACION

Segun interpretacion di gobierno, Standard & Poor's pa e motibo aki y al igual cu gobierno di Aruba ta premira un crecemento mas realistico den e aña cu ta bin cual lo ta igual cu e añanan cu a caba di pasa. Den e añanan reciente, Standard & Poor's ta indica, crecemento economico tabata basta mediocre. Esaki den combinacion cu deficitnan a conduci na nivelnan eleva di debe di gobierno.