- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
Camara di Comercio cu evento pa asisti esnan cu kier cuminsa negoshi
ORANJESTAD – Camara di Comercio y Industria Aruba (KvK) a extende un invitacion na tur esnan cu interes di cuminsa un negoshi pa bin na e evento Business Plaza – Get Started! E ta un oportunidad unico pa haya varios informacion al caso ora cu bo tin e ambicion di cuminsa un negoshi of ta den e proceso aki caba. Business Plaza – Get Started lo tuma luga diasabra 30 juni proximo na KvK cuminsando for di 9’or di mainta te cu 2’or di atardi.
AMBICION
Si bo ambicion ta pa bira un empresario, e ora Business Plaza ta e oportunidad pa bo por ricibi tur informacion pa asina ‘Get Started’. Via e evento aki KvK ta yuda haci bo idea un realidad y brinda e guia necesario pa por cuminsa y maneha bo negoshi nobo. Durante e dia aki KvK ta ofrece e oportunidad pa bo registra bo negoshi y di e forma aki cana e caminda pa organisa bo negoshi. Pa por logra esaki, e ta importante pa trece tur documento corecto y completo.
PROGRAMA
Registracion ta cuminsa ya pa 8:30 di mainta. Riba e dia aki KvK ta ofrece un programa yena cu presentacion y tambe algun workshop. Pa esaki Kvk ta encarecidamente pidi pa tene cuenta cu e programa stipula.