Cruz Cora Aruba su fundraising ‘Garden Party’ a resulta otro exito

Posted on 06/25/2018 5:11 pm AST | Updated on 06/25/2018 5:12 pm AST

ORANJESTAD—Diabierna ultimo, cu un Aruba Surfside Marina completamente yen, Cruz Cora Aruba a tene su evento anual pa recauda fondo. Cu un bunita speech duna pa Beschermheer di Cruz Cora Aruba, Su Excelencia Gobernador di Aruba, Sr. Alfonso Boekhoudt, e anochi a cuminsa. Ya pa ocho aña caba, Cruz Cora Aruba ta organiza su fiesta y semper a percura pa ofrece tur cu tey presente, un ambiente ameno cu un tema creativo y na mes momento un oportunidad pa socializa y network. Y esaki un biaha mas tabata e caso cu un evento completamente “sold out”.

Pa por haci tur e trabounan di Cruz Cora Aruba posibel, ta conta cu donacion y sponsoring di comunidad di Aruba y comercio y esaki ta wordo demostra durante un anochi asina, unda por wak companianan cu ta participa hunto den un evento pa yuda un causa.

Cruz Cora Aruba kier gradici: Arion Wine Company, Romar Trading, Manrique Capriles, Tropical Bottling Company, Playa Liquor Trading y Hodgson Trading pa e sosten y entusiasmo pa cu e evento. Ofreciendo y promociona nan biña no tabata tur cos…nan tambe a converti nan booth den un parti di e garden cu nan tabata aden. E tema di “Garden Party” por a experencia serca nan tambe y esey a pone henter e ambiente di Aruba Surfside Marina bira unico. Por a aprecia y disfruta tambe di algun producto organico presenta pa Old Cunucu House y Mauchi Smoothies y Aruba Calabas Mozaiek. Tambe ta hopi agradeci cu Santa Rosa cu no a duda ningun momento den entrega Cruz Cora su matanan local di fruta y berdura pa asina decora e anochi aki. Tambe Santa Rosa a duna informacion tocante posibilidadnan pa cosecha den nan booth y a prepara simiya pa cada invitado hiba cas. Danki tambe na Aruba Surfside Marina, Blue Boulevard, Flora Market, Dr. Pixels, Magic FM, Hits 100 FM, Matutino Diario, ClickPrint, Bon Dia Aruba, Bon Foto, AruShots, Awe Mainta, Team Garden Party y tur miembro di Directiva di Cruz Cora (Sales Team) pa haci di e anochi aki uno exitoso. Danki Aruba pa bo sosten! Bo aporte y sosten ta “Yuda Nos Yuda Otro”.

  • Comunidad a bishita cas di Bernadina Growell-Kock

    Comunidad a bishita cas di Bernadina Growell-Kock

    ORANJESTAD -  Fundacion Bernadina Growell-Kock a habri cas di e mama di cultura pa un dia, pa tur hende por a haci un bishita pa aprecia diferente ar cu e tin den e cas. Aki tur hende por a mira hopi potret di Bernadina Grovell y di su famia, pero tambe trofeonan, reconocimentonan, mueblenan, insturmento y vestuario. E fundacion kier a mustra comunidad di Aruba cu tin biaha tin hende ta biba riba e pais y traha, pero tin biaha ta lubida esaki ora cu no t’ey mas.?Bernadina Growell-Kock a contribui en grande cu e cultura di Aruba y folklore, e fundacion kende ta amigonan di dje, a lanta pa conserva tur esakinan.?Presidente di Fundacion Bernadina Growell-Kock, drs. Mervin Wyatt-Ras, a expresa cu Bernadina Growell ta nifica hopi pa nan, pasobra e ta un di e prome hendenan muhe cu a lanta un trio di hende muhe “Las Campiradas” y ainda ta scucha nan canticanan na radio. Tambe el a lanta prome aginaldo, composita canticanan pa Tumba di festival y tambe ta e prome hende muhe cu a gana cu su composicion hunto cu su esposo Cecil Growell.??E ta un hende cu a lanta gruponan di baile na Brazil, tabata e prome hende cu a orgganisa e pome festival grandi den bario di Brazil. Sinembargo e no a keda un hende di e bario di Brazil, pasobra tur esunnnan cu a bishita e cas di Bernadina Growell-Kock ta di otro caminda. Semper el a bay tur caminda pa duna presentacion y no tabata nenga di haci esaki. E tabata un persona cu a bay den exterior representando Aruba. Na diferente ocasion el a bay Corsou y Boneiro of Hulanda pa representa su pais y semper e tabata carga su bandera. Mama di cultura semper a respeta su idioma Papiamento, pasobra su canticanan humoristico y tin cosnan di cultura cu tin biaha awendia nan no t’ey mas.??

  • Grupo di carnaval ‘Los Laga Bai’ a sold out pa carnaval 65!

    Grupo di carnaval ‘Los Laga Bai’ a sold out pa carnaval 65!

    ORANJESTAD - E grupo popular di carnaval Los Laga Bai a anuncia diasabra cu nan ta ‘sold out’ caba pa carnaval 65 cu ta inclui e parada di Flambeu (700 hende) y e tres paradanan principal (500). E cantidad pa 2019 ta mas hopi debi cu ta carnaval 65. Esaki a bira un tradicion caba di tur aña (37 aña caba) cu nan ta ‘sold out’ asina cu nan habri nan inscripcion pa e siguiente carnaval. Nan ta atribui esaki danki na nan siguidornan fiel (e base) di tur aña. E calidad di nan producto, cu ta inclui e organisacion, e contenido, tur ta garantisa cu tur participante ta parti di un producto bon. 

  • Kowloon Restaurant a tene su Christmas Dinner

    Kowloon Restaurant a tene su Christmas Dinner

    ORANJESTAD - Diamars anochi den ambiente ameno na Bucaneer Restaurant, Gerencia hunto cu empleadonan di Kowloon Restaurant a tene nan cena di Pasco, Un gerencia sumamente agradecido, ta mira bek riba un an?a yen di reto pero cu e determinacion di e famia grandi di Kowloon a sa di sali padilanti cu positivismo pa e an?a venidero.

  • The Cinema a introduci su di dos VIP auditorium cu servicio completo ayera

    The Cinema a introduci su di dos VIP auditorium cu servicio completo ayera

    ORANJESTAD – Despues di varios siman di anticipacion,  diahuebs anochi The Cinema na Rennaisance Marketplace a inaugura nan VIP premium auditorium number 2, completo cu e servicio di un invitado VIP. Miembronan di prensa di Aruba tabata e promenan invita pa experencia e servicio completo aki. E idea ta pa e experiencia di bay cine estilo VIP ta uno total, for di momento di cumpra e carchi, te na e stoelnan comodo, y e servicio di cuminda y bebida treci te den bo stoel, pa un waiter special. Sin cu bo tin cu lanta for di bo stoel. 

  • Talentshow di SVGA pa celebracion dia 3 di december

    Talentshow di SVGA pa celebracion dia 3 di december

    ORANJESTAD - Stichting voor Verstandelijk Gehandicapten Aruba (SVGA) a organisa un tremendo talentshow pa celebra e dia international. Nos clientenan a luci riba stage na un forma fantastico. Dia 3 di december tabata e dia international pa persona cu limitacion. Ta hopi importante pa para keto na e derecho di persona cu limitacion pa participa den communidad y entre otro e derecho pa haya bon educacion, cuido di salud, empleo, recreacion y vivienda. Tin hopi trabao ainda pa hasi na Aruba.

  • Evento recien di KvK a enfoca riba ‘sustainable entrepreneurship’

    Evento recien di KvK a enfoca riba ‘sustainable entrepreneurship’

    ORANJESTAD  – Diabierna 30 di november ultimo a tene luga den Renaissance Convention Center e Aruba Chamber Business Event 2018. Esaki ta e  evento anual di Camara di Comercio y Industria Aruba (KvK) enfocando riba e empresario local y poniendo enfasis riba un topico actual. Pa e ocasion aki e topico di e anochi tabata dirigi riba ‘sustainable entrepreneurship’ caminda e importancia di sobrevivencia di e empresa a wordo discuti. E topico aki ta hopi discuti tanto den sector priva como sector publico y KvK a logra conecta e comerciante y trece mas conscientisacion durante e evento aki. Un danki ta bay na e patrocinado principal pa e evento cu ta Caribbean Mercantile Bank N.V.

  • Powered by SETAR