DIMP: Tarifanan di BBO, BAVP y BAZV valido entrante 1 di juli 2018

ORANJESTAD – Departamento di Impuesto ta informa cu dia 1 juli 2018, tin algun cambio den e ley di BBO. Den e ley aki a inclui un impuesto nobo cu yama ‘Belasting additionele voorzieningen PPS-projecten’ abrevia como BAVP. Pa e motibo aki e nomber di e ley di BBO awor yama: ‘Landsverordening belasting over bedrijfsomzetten en additionele voorzieningen PPS-projecten’. Pa loke ta e ley ‘Landsverordening bestemmingsheffing AZV’, en corto BAZV, tambe tin algun cambio.

Siguientemente Departamento di Impuesto ta informa encuanto e tarifanan valido pa BBO, BAVP y BAZV entrante 1 di juli 2018.

E tarifa di BBO ta keda 1,5%. Pues pa BBO no tin cambio di tarifa.

E tarifa di BAVP ta 3% y ta valido entrante 1 di juli 2018.

E tarifa di BAZV ta bira 3% entrante 1 di juli 2018. Pues e actual tarifa di 2% ta valido te cu dia 30 di juni 2018.

Calculacion di BBO, BAVP y BAZV

Aki ta sigui un ehempel con pa calcula e BBO, BAVP y BAZV prome cu haci declaracion y pago na Departamento di Impuesto.

Suma total ricibi di benta di producto of servicio den luna di juli 2018 E calculacion di BBO/BAVP y BAZV ta:

Afl. 2.500

- BBO:

- BAVP:

- BAZV:

1,5% di 2.500 1,5% di 2.500 3% di 2.500

Afl. 37,50 Afl. 37,50 Afl. 75 + Afl. 150

Total di BBO, BAVP y BAZV

Pues riba e volumen di benta di juli 2018 di Afl. 2.500 e comerciante mester paga Afl. 150 na Departamento di Impuesto