CITGO Aruba ta desmenti problema pa cumpli cu obligacion financiero

ORANJESTAD – Oficialnan di refineria CITGO Aruba a desmenti noticia di e portal Energy News Today, cu e refineria lo no cumpli cu nan responsabilidad di pago segun contracto. Segun e informe, CITGO no ta den posicion pa sigui cumpli cu su obligacion financiero. “ Reciente informacion noticioso citando un default’ ta incorecto” e oficial a bisa NoticiaCla diabierna.

E NOTICIA

E noticia a keda publica e siman aki indicando cu pa motibo cu no por cumpli cu e pagonan, cu nan lo ta ‘negoshando nan salida’ di e proyecto. “ CITGO Aruba Refinery N.V. ta un subsidiario di PDV Holding, Inc., y independiente di CITGO Petroleum Corporation of CITGO Holding, Inc.” e mensahe ta sigui bisa. “Contractonan relaciona na e refineria a wordo cera entre CITGO Aruba Refinery N.V. y gobierno di Aruba. Ademas, tur impuesto, huur y pago na personal relaciona na e refineria, a keda efectua manera planea”, e informacion a sigui bisa, indicando cu no tin ningun problema.