TERSCHELLING / ORANJESTAD - Durante e conferencia ‘Islands of the World 2018’ di e organisacion ISISA na Terschelling (Hulanda), Renske Pin di Corsou y Birgit Kreykenbohm di Aruba a presenta nan estudionan tocante periodismo den Small Island Developing States (SIDS). Den e sesion di ‘Media in the Caribbean: Journalism in small (post)colonial societies’, 4 estudio a wordo presenta dedica na periodisma riba e islanan autonomo den e Reino Hulandes: Aruba, Corsou y Sint Maarten.
Birgit Kreykenbohm ta traha na Universidad di Aruba y Renkse Pin tabata e investigador principal di e UNESCO’s Media Assessment na Corsou. Na 2017 Kreykenbohm y Pin conhuntamente a organisa e evento UNESCO Media Pressure Cooker Marathon na Aruba.
Kreykenbohm a presenta su estudio "Media perspectives on changing (post)colonial relations in the Kingdom of the Netherlands". E la elabora riba representacion di relacionanan den Reino Hulandes den prensa y e papel di medianan di comunicacion durante e periode 2005-2011. Mientras cu media di Aruba y Corsou ta comunica regularmente riba eventonan na Hulanda, media na Hulandaapenas ta inclui storia di e isla Caribense y ta mas tanto enfoca su mes na conflicto of problema.
Despues Pin a presenta su estudio riba "Journalism challenges in a small scale society – the case of Curacao" cu ta splicae resultadonan di e investigacion di medionan di comunicacion na Corsou dor di UNESCOy eMedia Master Classes di e UNESCO Media Development Program (por download e raportaki: https://en.unesco.org/news/unesco-publishes-first-ever-comprehensive-report-media-development-curacao).
Conhuntamente Kreykenbohm y Pin a duna e di tres presentacion "Capacity building while assessing the media landscape in SIDS". E presentacion aki ta describi e UNESCO Pressure Cooker Marathon, un evento intensivo di tres dia den cual 20 entrevista y 10 academico a inventarisa e situacion di media y periodismo na Aruba. E resultadonan di e estudio na Corsou y Aruba a mustracu prensa independiente ta bou presion na e islanan chikito. E islanan Caribense di e Reino Hulandes tin solamente medionan comercial, cu ta frecuentemente bou presion di politica y comercio y e dependencia di bon relacionnan den comunidad por conduci na autocensura. Cooperacion multidisciplinario entre por ehempel periodistanan, academiconan y artistanan of cooperacion entre e islanan por reforsaprensa local. Tambe e intercambio di experiencia y expertisio riba nivel di Reino ta importante segun e investigadornan. Un Fondo di Stimulacion di Prensa pa e 6 islanan Caribense den Reino Hulandes, lo ta un empuhe pa duna atencion na educacion pa professionalnan den prensa, prestamo financiero pa talentonan hoben, noticia pa hoben (jeugdjournaal), innovacion di periodismo y e promove media literacy (http://www.tinyurl.com/ArubaMedia).
Sanne Rotmeijer (KITLV/Universiteit Leiden) a finalisa e session cu su presentacion riba "News on its ‘own’ terms: Dutch Caribbean perspectives on journalism.” E la presenta diferente cultura di noticia di Sint Maarten y Corsou. Cu e presentacion el a reaciona riba e discussion scientifico tocante e “Westerse” watchdog-model di periodismo. E presidente di e session tabata prof.dr. Gert Oostindie, profesor di historia (post)colonial.
E conferencia di ISISA e aña aki tabata e di 16 edition y a tuma luga na Terschelling. E tema di e conferencia tabata “The Changing Futures of Islands”. Academiconan for di henter mundo y di diferente disciplina scientifico a presenta estudionan riba terenodi retonan diislanan chikito.
Na e conferentia di 5 dia un totalidad di 150 investigador a representa mas cu 45 isla y nan a duna 106 presentacion. Tambe 4 keynotes riba temanan di e conferencia a wordo duna, manera identidad, geografia y naturalesa, desaroyo economico y gobernacion.
E siguiente ISISA-conferentia lo tuma lugar den e aña 2020 na St. Johns Newfoundland (Canada). Señor Bojan Fürst tabata presente pa representa St. Johns Universidad. Fürst ta un fotografo cu ta traha programanan pa radio. El a entrevista Pin y Kreykenbohm pa un podcast pa su programa Rural Routes (http://ruralroutespodcasts.com) tocante periodismo den comunidadnan chikito.
ORANJESTAD/WILLEMSTAD – Pa fortifica e poder di gobernacion riba e islanan di Reino Hulandes den Caribe, Universidad di Utrecht y de Haagse Hogeschool ta cbay ofrece un estudio parcial di ‘bestuurskunde’ hunto cu universidadnan di Aruba y Corsou. Asina e portal utoday di Hulanda ta raporta. E gabinete ta preocupa cu e gobierno di Corsou, segun secretario di estado Hulandes Van Huffelen. E ta plan tambe cu e minister Hulandes di Enseñansa Dijkgraaf a trata recientemente durante su bishita na Aruba y Corsou.
AMSTERDAM – Rey Willem-Alexander no tin planea pa wak e serie riba su casa, Maxima. Asina e la declara e siman aki, na e portal Shownieuws. E no kier irita su mes riba e partinan ‘incorecto’ di e serie. “Mi a tende cu e ta un serie bunita, bon hinca den otro, pero mi ta bay irita mi mes na e cosnan cu ta incorecto (den e serie)” e Rey a bisa. E serie, titula Maxima, ta riba television Hulandes, desde diasabra. Maxima ta trata e bida di e Reina, te cu su compromise cu Willem-Alexander. Den e serie tin tambe un escena intimo cu e dosnan. E serie a kibra hopi record di television. Maxima mes a laga sa cu ainda e no tabatin tempo pa wak e serie dramatico.
SCHIPHOL -Durante e vacantie di mei proximo (otro luna) aeropuerto di Schiphol ta cuminsa usa scanner di seguridad nobo cu mester agilisa e trafico di persona na e aeropuerto. Schiphol a reemplasa tur e scannernan cu cual pasahero ta keda controla, cambia pa ehemplarnan mas liher. E ehemplarnan nobo tin mester di menos di 3 seconde pa wak si un biahero tin artefactonan prohibi den nan posesion. Tambe door di e tecnologia nobo, tin necesidad di menos listramento. E aeropuerto ta pronostica 10% mas biahero cu aña pasa y ta premira cu nan tin cu procesa minimal 70 mil pasahero diario. Esaki ta cantidadnan mes halto cu den vacantie di zomer. Aunke cu tin e scannernan nobo, no ta nifica necesariamente cu e filanan ta bira mas chikito.
DEN HAAG - Un areglo di supsidio pa inisiativa sosial ku ta fásilmente aksesibel. Kambio di nòmber grátis pa desendiente di katibu bibá na Hulanda Oropeo i Hulanda Karibense. Mas atenshon na prevenshon di diskriminashon i rasismo. Invershon den herensia kultural. I amplia konosementu di e manera ku pasado di sklabitut tin afekto te ku awor. Esaki ta algun di e pasonan konkreto ku gabinete hulandes a tuma despues di e diskulpa di Gobièrnu pa e pasado di sklabitut. E manera ku ta yena e asina yamá ‘espasio tras di e kòma’ ta un proseso kouteloso ku embolbimentu aktivo di desendientenan. Esaki ta pará den e karta di progreso tokante e programa di pasado di sklabitut ku gabinete hulandes a manda awe pa e parlamento.
AMSTERDAM – E instancia similar na DVG na Aruba, pero na Hulanda esta RIVM a instala un Outbreak Management Team (OMT) nobo, manera tempo di Covid, pero e biaha aki pa sarampi (mazelen). OMT ta bisa si cu e situacion no ta agudo, pero si ta conseha e minister di saloud pa tuma medidanan extra. Te awor tin 64 caso di sarampi registra cerca RIVM. E la cuminsa cu un kluster na trahadornan migrante na Limburg. Pero awor ta mustra cu mayoria di casonan di sarampi ta den region di Eindhoven.
AMSTERDAM – Un grupo di accion ‘Extinction Rebellion (XR)’ kier causa ‘problema’ diasabra dia di Rey na Amsterdam Hulanda, door di blokea un ader principal di e ciudad gandi aki, esta e A10, un biaha mas. E grupo di protesta aki kier pidi Rey Willem-Alexander pa papia contra e financiamento di e industria fosil. E intencion ta pa blokea a caminda for di 12’or di merdia na e ringweg na altura di e ex oficina principal di ING. E grupo kier pa e instituto aki stop di financia e industria di fosil. Si e Rey papia contra e intento di financiamento aki, e grupo lo stop nan accion.