ORANJESTAD - E team cu ta consisti di: Grupo Nucleo, Fundacion Lanta Papiamento, OPPA, Departamento di Cultura y Departamento Social a hinca un tremendo programa den otro y cu a caba na e ora stipula. E participantenan a engrandece Papiamento, declamando poema of contando un storia.
Porta a habri 6:00 y Trio Los Tres a duna bon bini na e publico, deleitando nan cu cantica na Papiamento. E anochi tabata bou guia di señor Juby Naar (mc). Tabatin 19 participante cu a demostra nan talento door di declama poesia of conta un storia. E sala tabata yen yen. E famianan y e amistadnan a bin admira y sostene nan participante preferi. Pabien na e ganadonan y aplauso pa tur e participantenan cu a subi stage sin miedo y presenta dilanti un publico grandi manera esun di ayeranochi. Comision organisado ta gradici e sponsornan cu ta Cede Aruba, Citgo, Precious Anardey, SETAR, El Gaucho y F.C.C.A. Departamento di Enseñansa a regala cada participante cd di historia di Papiamento y buki blauw…masha danki! Danki na Trio Los Tres y na tur boluntario cu a yuda cu e evento exitoso aki, Arte di Palabra +, 2018.
PARTICIPANTENAN PA "ARTE DI PALABRA PLUS”
NOMBER
Lucia de cuba vda.Leest Tempo cu mi tabata chikito Storia Grupo Bini Bini
Rosa Allee Mi malesa Poesia Grupo Uni
Martha de Miranda Den scochi di mi wela(Ana Krozendijk)Poesia Grupo Honey Bee
Rosa Kelly Añoransa Poesia Grupo 60+ F.A.V.I.
Shansha Koolman E regalo nunca uza storia Grupo Monarca 55+
Carmen Frans Un boli fuego Storia Grupo Uni
Emerita Winterdaal Hende grandi Poesia Grupo Palmita di Oro
Emira (Miertje) Rodriguez Un logro Poesia Grupo Uni
Roberto Croes Amistad,noviazgo,rikeza di amor Poesia
Victoria Andrews Lanta ariba Aruba(Belen Kock-Marchena) Poesia Grupo 60+ Playa Pabao
Ivo Valdez/Lucy Rubiano E uzo di nos papiamento Un sketch O.P.P.A.
Carmen Tromp Clarita Poesia Grupo Uni
Lucia Maduro Sinta spera Poesia Grupo Magdalena
Irena Yarzagaray Nostalgia di tempo bieu Storia Grupo Samen Oud
Gabriela (Cici) Arendsz Soledad Poesia Grupo Uni
Agnes Lanoy Cadushi bieo(Joannes Donati) Poesia Grupo Flor di Brazil
Magarita Roza Un carta di un desparecido laga atras Poesia Grupo Uni
Aurora Kelly vda. Thiel Aruba y su dande Storia Grupo Magdalena
Stefanita (Titi) Tromp Antes Poesia Grupo Uni
.
Ganado di storia, Arte di Palabra+, 2018: Carmen Frans(Bol'i fuego). Shansha Koolman(E regalo nunca uza).
GANADO di poema, Arte di Palabra+, 2018: Martha de Miranda(Den scochi di mi wela). Emira(Miertje) Rodriguez(Un logro). PABIEN na tur participante!
Comision organisado di Arte di Palabra + ta gradici tur miembro di prensa cu a promociona e evento aki tanto riba Facebook como den corant.
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.