Ridderstap: Cu Lotto online, a bin un grupo nobo acerca cu ta cumpra lotto

Ridderstap: Cu Lotto online, a bin un grupo nobo acerca cu ta cumpra lotto

Posted on 06/19/2018 3:45 pm AST | Updated on 06/19/2018 3:46 pm AST

ORANJESTAD – Un siman despues cu Lotto a introduci e posibilidad pa cumpra lotto ‘online’, e persona responsabel pa mercadeo y publicidad Damaris Ridderstap ta contento. Segun Ridderstap, e prome reaccionnan tabata hopi positivo. Mes momento e ta conciente si cu ta hopi tempran pa tin un bon bista di e impacto. Lo dura por lo menos 2 luna prome cu nan por bisa berdaderamente kico e impacto tabata, pa midi con grandi e impacto tabata. Pero e mercado nobo a nace y ta creciendo.

KINDERZIEKTES

Segun Ridderstap, hopi biaha un producto nobo of servicio nobo ta sali y tin cu maneha e asina yama ‘kinderziektes’, y na caminda cos ta drecha. Den caso di Lotto, a sigura cu prome cu lanza e producto, cu tur kinderziektes ta afo. Y esey a causa tambe un retraso chikito den introduci e producto. Pero awor por bisa cu certeza cu no tin ningun fayo y cu e producto ta coriendo bon.

ID

Un di e ‘problemanan’ cu cierto clientenan ta confrontando, ta e asunto di valida nan ID. A pidi pa sea scan of saca potret di nan ID y upload esaki, of trece esaki pa oficina di Lotto. Aki ainda hende sea no ta compronde bon con pa haci esaki corecto. Y esaki ta tarda e proceso di registro pa nan. Cierto hende ta saca potret di nan mes, envez di nan ID, of ta saca e potret cu no por usa etc.

SHIFT MERCADO

Un pregunta di NoticiaCla ta cu si a nota e shift di hende cu awor diripiente no ta bay cumpra lotto fisicamente mas, sino ta busca esaki online. Ridderstap a mustra cu esaki no ta e caso, sino mas bien por papia di un mercado ‘nobo’ cu a bin acerca. Esaki ta nifica cu e hendenan aki ta uza y cumpra lotto pa prome biaha y pues a bira un grupo ‘extra’. No ta asina cu diripiente hende a dicidi di shift di un grupo pa otro, segun Ridderstap. Pero esaki por cambia, y dentro di dos luna, por mira cu certeza ki impacto e lotto online por tin.

CRITICA Un di e criticanan cu tabatin inicial, ta cu tabatin e percepcion cu hendenan lo stop di bay cumpra lotto na e tiendanan, creando perdida di entrada pa e hendenan. Como tal, cu cierto preocupacion hendenan a cuminsa critica cu awor lotto online ta kita trabou y pan di otro hende. Pero esaki no a resulta asina, manera a informa anteriormente, sino mas bien tin un grupo ‘adicional’ cu awor ta cumpra lotto. E potret ta di lansamento di e proyecto lotto online. 

  • Trabounan di remodelacion a cuminsa riba e cinema pa San Nicolas na teatro Pricipal

    Trabounan di remodelacion a cuminsa riba e cinema pa San Nicolas na teatro Pricipal

    ORANJESTAD – Den cuadro di e renobacion di e cinema na San Nicolas proximamente, trabounan di remodelacion y construccion a cuminsa na e theater Principal dialuna. Manera cu NoticiaCla a present’e como un primicia caba, fin di luna pasa e anuncio den forma di primicia di NoticiaCla a bin cu planificacion a inicia pa locual lo bira construccion di un cinema cu tres sala, situa den Teatro Principal. Esaki sigur ta bon noticia pa comunidad di Aruba y San Nicolas principalmente unda cu finalmente ta cuminsa mira mas desaroyo na caminda. Awe MetaCoopr a cofirma e informacion oficialmente. 

  • EcoTech: Tur ciudadano tin derecho pa disfruta di Ecotech su servicio sin paga dobbel

    EcoTech: Tur ciudadano tin derecho pa disfruta di Ecotech su servicio sin paga dobbel

    ORANJESTAD – Den cuadro di e tarifa pa recogemento di sushi  cu Serlimar lo cuminsa cobra dia 1 di maart 2019, Ecotech dialuna den un comunicado a comunica na tur su clientela cu nan por sigui hasi uso di nan servicionan preferi sin paga dobbel. Ecotech a notifica y sigura su clientela cu contrario na speculacion y comentario den medionan di comunicacion, servicionan residencial di Ecotech ta legalmente permisibel. No mester cambia di compania pa recohemento di desperdicio na cas. Ecotech ta reitera cu como ciudadano, tur persona tin e pleno derecho di sigui disfruta di Ecotech su servicio sin e necesidad di paga dobbel. 

  • Oduber: Desaroyadornan hotel Seroe Colorado a entrega documentonan final

    Oduber: Desaroyadornan hotel Seroe Colorado a entrega documentonan final

    SAN NICOLAS – E grupo cu ta trahando riba e proyecto hotelero na San Nicolas, a cumpli cu e ultimo peticionan pa por keda cla cu tereno. Asina minister di infrastructura Otmar Oduber a bisa dialuna durante un conferencia di prensa. Siman pasa diaranson a entrega e rapport di MER completo cu reaccionnan necesario, y diabierna a entrega informacion financiero. E deadline pa entrega tur cos tabata awe dialuna. E mandatario mientrastanto ta papia di ‘posibel’ hotel ainda pasobra e acuerdo final no ta cla ainda. Ta trata di e hotel Baby Beach Resort di entre 600 pa 900 camber cu mester bin na Seroe Colorado. Gobierno a hiba prensa na e sitio dialuna mainta pa mustra un ke otro y clarifica cierto duda, inquietud y mal informacion. Potret screen shot facebook gobierno di Aruba. 

  • RDA: Fase 2 di Upgrader Citgo Aruba poni on hold

    RDA: Fase 2 di  Upgrader Citgo Aruba poni on hold

    ORANJESTAD - E Proyecto di Upgrader Fase 2 di Citgo Aruba ta poni on hold a consecuencia di e sancionan di Merca contra PDVSA anuncia 28 di Januari ultimo. Asina presidente di Refineria di Aruba (RdA) su presidente Alvin Koolman a informa diadomingo pa medio di un comunicado. Segun e comunicado, bou di e sancionan aki, companianan Mericano (manera CITGO, Valero, Chevron etc) por sigui cumpra crudo venezolano, pero e pagonan mester wordo poni den un “blocked account” cu ta preveni aceso na e regimen Maduro. Citgo su refinerianan na Merca por sigui opera, pero nan ingreso mester wordo deposita den un “escrow account” na Merca. Mas aleu, OFAC ta considera e Proyecto di Upgrader na Citgo Aruba uno cu ta pa beneficio di PDVSA y cu trabounan pa e Proyecto aki no por continua y mester stop ariba 27 di Februari pa 12.01 AM. E consecuencia ta cu tur trahadornan asigna na Fase 2 ta bai cas. Esaki a keda participa na RdA y Gobierno di Aruba (GoA) e siman aki. Sinembargo, operacion di Citgo Aruba ta keda mientras GoA y RdA ta hasiendo tur lo necesario pa evita cu e proyecto di Upgrader wordo poni on hold. 

  • CAft: Gobierno a priminti cu nan lo cumpli cu nos peticion

    CAft: Gobierno a priminti cu nan lo cumpli cu nos peticion

    ORANJESTAD – “ Gobierno a priminti cu nan lo cumpli cu nos peticion. Awor ta cuestion di warda y haya e informacion cu falta”. Na palabra presidente di e colegio di supervision financiero CAFt esta Raymond Gradus durante un conferencia di prensa diabierna atardi. Gradus a admiti riba pregunta di NoticiaCla riba e dos topiconan trata cu minister di Finanzas Xiomara Ruiz, unda cu a yega na otro riba con pa atende cu otro den prensa y con pa suministra otro cu informacion corectamente. Esey tabata dos problema cu Aruba kier a soluciona. Ta durante e reunion cu conseho di minister di Aruba, nan (gobierno:red) lo a haci e promesa na CAft di lo cumpli cu e peticionan haci e siman aki. 

  • CAft: Implementacion Protocol necesario pa finansa publico ta sostenibe

    CAft: Implementacion Protocol necesario pa finansa publico ta sostenibe

    ORANJESTAD – Implementacion di e protocol di CAFT ta necesario pa finansa publico ta sostenibel. Asina e colegio di supervision di Aruba CAFT a resumi nan bishita na Aruba diabierna. Pa loke ta e protocol nan ta referi na esun firma riba 22 november 2018  entre Aruba y Hulanda pa logra finansa publico sostenibel. E acuerdo ta cu lo mas rapido posibel lo realisa un surplus di minimo 1% di PIB (GDP) ariba e presupuesto. Di e forma aki lo reduci substancialmente e quota di debe, cual awor ta cerca di 90% di GDP. 

  • Powered by SETAR