Manifestantenan kurdo a drenta edificio di Parlamento na Hulanda

DEN HAAG – Algun 100 manifestante kurdo a drenta e edificio di parlamento hulandes na Den Haag dialuna anochi, ora di Hulanda. Polis a acudi den forma masal y tabatin e situacion bou di control. No ta conoci con leu nan a drenta e edificio di parlamento. E manifestantenan tabata protesta e toma di poder di e pueblo Kobani den norte di Siria, door di e grupo di teror ISIS. Ningun hende a wordo aresta pero esey lo a cambia. E potret ta mustra con polis a forma un cordon dilanti di e edificio, mientras cu e manifestantenan tabata protesta cu pancarta. Aparentemente no ta solamente na Hulanda tin protesta, pero tambe na otro paisnan Europeo.