Ta investigando dos polis suspendi

ORANJESTAD - Vocero di polis Lito Lacle a confirma cu tin dos polis na cas cu medida disciplinario, y ta sospecha cu nan lo por tabata bou di influencia aunke no a bisa exactamente kico. A confirma tambe cu a cuminsa investigacion interno contra dos PolisManera ta conoci, tabata dialuna marduga a sosode un accidente na altura di Eagle Beach, unda Polisnan a duna asistencia. Sinembargo, publico a sinti cu algo tabata pasando cu e dos Polisnan specifico aki, pa cual a avisa na Warda di Polis. Mesora Mando Policial a manda dos superior na e sitio pa pone nan mes na altura di e situacion.Pa Cuerpo Policial Aruba, e nivel di servicio na publico mester prevalece na tur momento. Mando Policial kier ta sigur, cu publico ta mantene un confiansa grandi den su cuerpo di Polis y cu na tur momento por mira un "amigo" den nos Polisnan, cu t’ey pa sirbi y proteha. Na momento cu publico no ta sinti esey, ta keda na Mando Policial pa tuma accion y haci e coreccionnan necesario pa no perde e confiansa di publico.Na e sitio di accidente, e superiornan a constata cu berdad e comportacion di e dos Polisnan tabata dudoso, pa cual a tuma medidanan disciplinario mesora. A manda ambos Polis cas pa un investigacion interno. Mientras cu e investigacion ta andando, tur dos Polis ta prohibi pa drenta edificionan (wardanan) di Polis.