Bikker: Gobierno anterior a sconde cifras riba criminalidad

ORANJESTAD – Maneho di gobierno anterior tabata entre otro pa sconde cifras di e.o. criminalidad pa pueblo. A mustra cu CBS dado momento, practicamente a wordo obsticulisa y neglisha pa no duna riba solamente cifra di criminalidad y seguridad, pero riba tur nivel. Asina minister di husticia Andin Bikker a contesta NoticiaCla riba e pregunta pakico no tin cifras actual riba criminalidad. Pa basta tempo, tin problema pa haya cifras di casonan policial cu ta sosode na Aruba.

CIFRA DEN PARLAMENTO

Aña pasa riba presion di parlamento, polis a bin presenta cifra riba e.o. casonan di atraco, ora cu tabatin e ola di atraco. Pero otro cu esey, ta conoci cu polis no ta duna cifra siendo cu rond mundo no ta un problema pa haya cifra. Ministerio publico di otro banda si a ‘hou bij’ su cifranan, y esey ta den poder di minister di husticia. E hefe nobo di polis Andrew Hoo a pidi espacio pa por atende cu e asunto di cifra. E mandatario a bisa cu e kier pa ora cu presenta cifra, nan ta di un forma structura, cu ta cuadra cu e cifranan cu ministerio publico tin p.e. riba atraco, y cu no cu e cifranan entre KPA y OM ta varia. Bikker a informa cu na KPA no tur ora polis a ‘tene e cifranan aki bij’.