Facebook a paga 22 biyon dollar pa ‘WhatsApp"

ORANJESTAD – (Reuters) – Facebook a paga 22 biyon dollar pa e aplicacion popular di chat, WhatsApp. Esaki a keda anuncia pa Facebook, cu a finalisa e compra porfin dialuna. E suma ta 3 biyon mas cu tabata premira, pero e balor di accion di Facebook a subi den e ultimo lunanan. Facebook a paga 4.59 biyon dollar na efectivo y 178 miyon na accion, y a haya un prestamo di 46 miyon dollar. E creador di e app, Jan Koum, lo ricibi casi 2 biyon di dollar na accion, paga riba un periodo di 4 aña, como un incentivo pa e keda cu e compania.

E compra, inicialmente anuncia na februari di e aña aki, a ricibi aprobacion regulatorio na Europa. WhatsApp, cu tin mas di 600 miyon usuario, ta un di e formanan mas popular pa comunica entre particularmente e hubentud.

Koum, ta keda e hefe ehecutivo di WhatsApp y lo haya un titulo extra di ‘director di Facebook’ y gana un salario annual di 1 miyon dollar. Ademas e lo ricibi 24.9 accion di Facebook, balora na 1.9 biyon dollar. E compania cu ta maneha e aplicacion, ta keda cu su base na Mountain View, California, cu su 70 empleadonan.