Servicio nobo di TUI pa Aruba for di Brussels, Belgica

ORANJESTAD - Aruba Airport Authority N.V. (AAA) ta contento di por a yama bonbini na TUI su prome buelo for di Brussels, Belgica pa Aruba dia 15 di Juni, 2018. For di Oktober 2017 TUI a anuncia cu e aerolinea lo introduci e buelo nobo for di Brussels pa Aruba den 2018. TUI a añadi e buelo nobo aki ariba Diabierna cu lo sali for di Brussels pa Santo Domingo y despues pa yega Aruba 5:45 di atardi.

AAA su Air Service Development Manager, Sra. Jo-Anne Arends a bisa cu Aeropuerto di Aruba ta hopi contento, satisfecho y orguyoso di por tabata parti di e ekipo cu a haci e buelo nobo bira realidad. “Conectando Aruba cu mas destinacion no ta nifica solamente rutanan nobo pa Aruba, pero lo nifica coneccionnan nobo despues di e destinacion den e mercado Europeo.

E buelo di Aruba pa Brussels lo ta directo y lo sali 7’or di anochi cu nan Dreamliner B787. TUI ta un partner solido di Aeropuerto di Aruba pa 13 aña caba y e servicio nobo aki ta muestra cu e relacion lo sigui pa hopi tempo mas. Pa mas informacion, TUI su oficina ta localiza na L.G. Smith Boulevard of por bishita www.tui.nl.