Hoge Raad: No ta necesario pa publica nomber agentenan caso Mitch Henriquez

DEN HAAG – Procurador General di Hoge Raad a dicidi cu no ta necesario pa publica nomber di e polisnan envolvi den e caso di morto di Mitch Henriquez. E decision ey a keda publica dia 8 di juni ultimo. E famianan no ta di acuerdo y cu tin suficiente base pa publica e nombernan. Asina e abogado di e famia, Richard Korver ta publica riba su portal. Den cuadro di esaki, y pa por tin un balance di informacion, e famia a publica e asina yama ‘cassatieschriftuur, pa asina un y tur por duna su opinion.

FAMIA

E famianan ta di opinion cu e plan di minister (di husticia) pa adapta e ley rond di violencia policial, no ta corecto. “Polisnan envolvi den violencia (mortal) policial awor ta wordo atendi prome como testigo. Y despues cu tin casonan cu ta mustra riba actuacion castigable, ta wordo trata diferente” e abogado ta bisa.

PROTECCION

Segun e abogado, polis ya caba tin bon proteccion. Nan ta e unico personanan cu por usa y tin biaha mester usa violencia, y claro cu nan no por wordo mira como sospechoso despues. Pero segun e abogado, esaki ta diferente ora cu nan ta haya un castigo mucho mas abou pa un caso asina, compara cu un ciudadano ‘comun’. E abogado ta mustra un ehempel unda cu un polis por haya un castigo di prison di ‘apenas’ 3 aña vs 15 aña. Como tal, segun e abogado, e intencion di e minister pa reduci castigonan maximo fuertemente, no ta bon idea. Lesa e 'cassatieschriftuur' AKI.