Total di 85% di alumno na Filomena College a gradua!

SAN NICOLAS - Un total di 85% di alumnonan di Filomena College Mavo na san Nicolas a gradua diaranson. Esey tabata motibo suficiente pa fiesta ora cu a anuncia e cantidad di studiante cu a gradua. No ta prome biaha cu e scol ta presta bon asina ora di gradua. Aña pasa tambe esaki tabata un hecho. Mientras cu mester ta normal pa un alumno gradua si e haci su 'trabou' manera mester. Sinembargo e situacionan awe ta diferente. Entre e graduadonan tabatin Martha Law y Daniella Perez. Notable tabata tambe presencia di ex docente di e scol, Sue-Ann Ras. Esaki pasobra ta apenas 7 luna pasa ainda e tabata docente di papiamento na e scol, y awe e ta un parlamentario, bringando awor pa e studiantenan pero na un otro nivel. "Mi ta sumamente orguyoso di e alumonan aki" Ras a bisa. Pabien na tur e graduadonan. E siman aki tin mas scol cu lo anuncia e graduadonan di nan respectivo scol.