Ruiz: Prijs di pan ta subi, pero no ta kita BBO riba pan na 2019

ORANJESTAD - Mientras cu enberdad prijs di pan ta subi entrante 1 di juli proximo como consecuencia di e crisisheffing (manera cu lo ta cu tur otro cos lo subi), no ta corecto si cu lo kita BBO for di esaki na januari 2019. “Mi no a bisa cu ta kit’e” minister di economia Xiomara Ruiz Maduro a bisa NoticiaCla diaranson merdia.

KITA BBO?

E mandatario ta reacciona riba un noticia di un otro portal di noticia cu ta sugeri esey. E portal ta bisa cu ‘e meta ta pa na januari 2019 kita BBO for di pan y amplia canasta basico’. “Esey ta e deseo di e panaderonan” e mandatario a sigui bisa. Un whatsapp cu ta propaga e noticia di e otro portal sinembargo ta cita cu ‘pa otro aña lo kita e BBO for di pan, minister Xiomara ta confirma esaki’. Esaki pues no ta corecto segun e mandatario. “Nos a pidi informacion financiero for di nan pa por haci calculacion necesario” Ruiz a sigui bisa.