Conocido baluarte di partido MEP, Clyve Laclé a fayece

Conocido baluarte di partido MEP, Clyve Laclé a fayece

Posted on 06/13/2018 4:21 pm AST | Updated on 06/13/2018 5:16 pm AST

ORANJESTAD - Partido MEP a tuma nota di e fayecimento di sr. Clyve Francisco Laclé cu a bay laga nos diabierna ultimo na e edad respeta di 86 aña. Sigur cu esaki ta un sla hopi fuerte pa su famia y tambe pa partido MEP. Clyve Laclé a forma parti di partido MEP y a aparece na cuater ocasion riba e lista, esta na 1979 (dos biaha), 1982 y 1983 y durante varios aña e tabata miembro di Staten di Antiyas Hulandes y tambe miembro di Conseho Insular di Aruba.

Clyve Laclé a lucha schouder cu schouder cu Libertador Betico Croes pa nos libertad, nos Status Aparte. Asina el a forma parti tambe di e delegacion cu a bay Hulanda despues di e accionnan di Augustus Scur na 1977 y caminda Hulanda porfin a dicidi di habri porta pa delibera riba e futuro estatal di Aruba. Tambe Clyve Laclé a forma parti di varios comision den preparacion pa nos Status Aparte y su contribucion den esaki tabata sumamente valioso. Semper el a sali na defensa di nos pueblo cu tanto el a stima. Na 2016 partido MEP relaciona cu 45 aña di fundacion di e partido geel a duna reconocemento na e gran Arubiano aki como ex-candidato di MEP.

Partido MEP a gradici Clyve Laclé pa tur loke el a haci pa nos pais en general y pa e partido MEP en particular. Hopi forsa na henter su famia. Cu Clyve sosega na paz den Reino di Señor.

 

 

  • Dienst Huur- en Consumentenzaken ta alerta consumido riba movecion observa na Aruba

    Dienst Huur- en Consumentenzaken ta alerta  consumido riba  movecion observa na Aruba

    ORANJESTAD -  Dienst Huur- en Consumentenzaken (DHC) diahuebs a alerta tur consumido di un compania cu ta brinda servicio den e area consultorio y servicio financiero cu posiblemente ta mal informa consumidonan tocante e obhetivo di e compania. E compania aki ta actuando como specialista den seguro of profesional den ley mientras cu nan no ta autorisa pa duna servicio ariba e tereno aki. Nan lo ta acerca victimanan di accidente di un vehiculo di motor na momento cu esaki ta confundi, agita of posibelmente herida y ta trata di obtene informacion priva di e victima, cu e meta pa asegura representacion y cobra compensacion pa e servicio aki na e compania di seguro.

  • DIMP: Ta pidi automobolistanan controla nan plachi di number

    DIMP: Ta pidi automobolistanan controla nan plachi di number

    ORANJESTAD – Manera conoci Departamento di Impuesto a otorga mayoria di e plachinan di number di an?a 2019 na e contribuyentenan cu a paga e impuesto di nan vehiculo di motor. Ta un periodo sumamente druk den cual a otorga mas di 60.000 plachi. Prome cu otorga e plachinan, esakinan ta wordo controla debidamente. A pesar di e controlnan menciona, por sosode cu un contribuyente a ricibi un plachi di number cu no ta di dje. Den e caso aki, Departamento di Impuesto ta pidi tur contribuyente automobilista pa controla e plachinan di number y verifica si e number ta corecto. Si acaso e number no ta pertenece na bo, ta pidi pa e entrega e plachinan bek na Departamento di Impuesto pa asina percura pa e contribuyente ricibi e plachinan cu su number corecto.

  • Un ley cu Aruba tin cu pasa, lo kite di e lista preto di Union Europeo

    Un ley cu Aruba tin cu pasa, lo kite di e lista preto di Union Europeo

    ORANJESTAD – Aki 6 siman Aruba tin cu demonstra na Union Europeo cu nos isla tin sufficiente mechanismo pa bringa e fenomeno di ‘tax haven’, esta crea un paraiso fiscal pa comercio. Pa haci esaki, gobierno mester pasa un ley mas tarda otro luna, cu ta ‘clear’ nos isla di e problema ey. Ora cu NoticiaCla a publica e primicia di cu Aruba a aparece atrobe riba e lista preto, Gobierno a admiti cu ta pa ‘falta di tempo y capacidad’, no a logra pasa e ley pero no ta pa motibo di prioridad robez. 

  • Pa augustus 2019 tur casnan di cuido mester tin permiso

    Pa augustus 2019 tur casnan di cuido mester tin permiso

    ORANJESTAD – Pa augustus 2019 tur casnan di cuido mester tin permiso. Asina minister di Salubridad Publico sr. Dangui Oduber a duna di conoce. Y e permiso ta obligatorio. E proceso pa haya e permiso aki despues cu manda un peticion aden lo bay relativamente lihe segun e Minister. Esaki ta pa motibo cu lo haci uzo di e systema di “Fast Track”.

  • (DNM) tambe ta forma parti di Milieu Samenwerkingsteam (MST)

    (DNM) tambe ta forma parti di Milieu Samenwerkingsteam (MST)

    ORANJESTAD - Na final di 2018, a establece un acuerdo di colaboracion entre diferente departamento di gobierno cu ta concerni cu e topico di Medio Ambiente. E team ta hiba e nomber di Milieu Samenwerkingsteam (MST). MST ta consisti di siguiente departamentonan: Korps Politie Aruba (KPA), Bureau City Inspector (BCI), Directie Volksgezondheid (DVG), Dienst Techniesche Inspectie (DTI), Serlimar y di DNM. E acuerdo entre e departamentonan ta pa conhuntamente trata e tantisimo casonan di keho cu ta drenta na tur e departamentonan menciona y relaciona cu asuntonan di Medio Ambiente.

  • Convenant entre Ministerio Publico y Universidad di Aruba tocante stagiaires

    Convenant entre Ministerio Publico y Universidad di Aruba tocante stagiaires

    ORANJESTAD - Ministerio Publico y Universidad di Aruba a cera ayera diamars 19 di maart un convenant tocante stagiairenan.    Procurador General Alexander van Dam y mr. dr. Ruth Bonnevalle-Kok, wetenschappelijk hoofdmedewerker Straf-en Strafprocesrecht na Universidad di Aruba, a firma e convenant aki.  E acuerdo di cooperacion aki entre Ministerio Publico y Universidad di Aruba tin como meta pa reforza e relevancia di enseñanza y investigacion pa nos comunidad.  E ta crea oportunidad pa studiantenan excelente di Universidad di Aruba.  Cu e convenant aki a haci afspraaknan tocante coremento di stage na Ministerio Publico y tanto Universidad di Aruba como Ministerio Publico ta look forward na continua cu esaki. 

  • BCD1
  • Powered by SETAR