Pronostico pa temporada di horcan 2018 cambia pa uno average

ORANJESTAD /MIAMI – E expertonan di tempo cu ta pronostica horcan, a adapta nan pronostico di uno mas activo, pa uno average. Cu esaki, expertonan di universidad di Colorado, ta bisa cu pa 2018 ta pronostica 6 horcan (normal ta 6.5), 13 tormenta cu nomber (normal ta 12), 51 dia largo cu lo tin tormenta cu nomber (normal ta 60), 20 dia cu lo tin horcan activo (normal ta 21.3), 2 horcan serio di categoria 3,4 of 5 (normal ta 2).

Temporada di horcan a cuminsa 1 di juni y ta dura te 31 di November proximo. Y ya tabatin un tormenta cu nomber cu a nace fin di mei. Pues e letter A  di Alberto a bay caba. E siguiente tormenta di nomber ta Beryl.