Cabesante di scol a raporta atake di pedofiel riba alumno

ORANJESTAD – Un alumno di un scol na Aruba a keda ‘ataca’ pa un homber pedofiel diamars mainta. Asina e cabesante di e scol Franciscus College a raporta riba nan pagina di Facebook awe mainta. Segun e cabesante, esaki a sosode ora e alumna tabata na caminda pa scol mainta trempan . E individuo ta core un auto bruin cu 4 porta. E tin cabey preto y tabatin barba shinishi. E la para su auto banda di e mucha y bise cu e mayor a mande pa duna e mucha lift pa scol. Despues di esaki ta mustre su parti intimo. E mucha a corre di biaha. ( esaki a pasa cerca di su cas mes).

PETICION

E cabesante a pidi pa por fabor mayor percura pa splica nan yiunan pa no para papia cu ningun hende na caminda y si den en caso esaki sosode pa core di biaha y grita pidi ayudo. “Nos ta pidi mayornan pa percura pa boso yiunan cana acompaña pa un adulto of pa cana den grupo. Si mira un hende sospechoso tuma su number di auto y por fabor yama polis. Polis ya ta na altura di e a caso aki” e cabesante a finalisa bisando.