Venezuela y islanan ABC mas cerca di otro despues di ultimo reunion

VALENCIA – Durante e di dos reunion tecnico billateral dialuna entre Venezuela y islanan ABC (Aruba, Bonaire y Corsou), Aruba a expresa cu nan ta wardando noticia di operacionan di Venezuela pa loke ta e tramites necesario pa garantisa cu tur cos cu sali di Venezuela ta ok. Notable durante e reunion ta cu tur partido tin nan interes cu nan kier presenta y tabata cuestion di atende cada uno y mira cua ta factibel y cua no. Esaki ta encera tambe interesnan cu p.e. Venezuela kier a mira realisa. Di otro banda e islanan ABC tambe a duna nan input, pero mas pa haya pues, informacion concreto riba documentacion for di Venezuela. Algo cu Aruba tabata warda basta tempo sin por haya. 

REUNION

E reunion mientratanto a resulta fructifero y unda cu a laga un serie di palabracion atras dialuna. E reunion, lidera pa gobernador di estado Venezolano Carabobo, Rafael Lavaca Evangelista, a ratifica loke a sosode anteriormente, y palabra algun punto nobo cu a keda presenta dialuna. Entre nan, ki tipo di producto, fuera di fruta, berdura y pisca y con exactamente y di unda nan por wordo exporta y ki ruta por usa. 

FRONTERA HABRI

Durante e reunion partidonan a confirma cu siman pasa e prome operación di exportacion di fruta, berdura y pisca desde Venezuela a cuminsa pa Aruba. Ambos pais a considera cu e vía implementa tabata un mecanismo efectivo pa reduci e comision illegal di producto y a priminti pa sigui enforsa tur regla necesario pa evita cu un biaha mas paisnan haya ta confronta otro cu practicanan cu no ta corecto. 

DOCUMENTACION

Entre e puntonan mas importante y sigur pendiente tabata e discusion riba documentacionnan proponi entre gobierno di Aruba y di Falcón, pa e verificacion di mercancía cu ta drenta Aruba for di estado Falcón. A determina cu lo ta usando un proceso di 5 documento, y cada un cu su merito y necesidad. 

Nan ta entre otro

1. Lista de tripulación de embarcación

2. Bill Of Landing (B/L).

3. Zarpe emitido por el INEA.

4. Manifiesto de Carga

5. Factura Definitiva.

BONAIRE Y CORSOU

Interesante ta cu a acorda cu tanto Bonaire y Corsou ta desea replica e experiencia di Aruba y Falcón, respetando cada una su legislaciones, ya cu esaki tabata un experiencia inspirador y efectivo cu a permiti nan conoce y cumpli cu tur e requisitos cu e comercio legal bilateral ta facilita. A palabra e ora cu gobierno di Falcón lo comparti compartirá su propuesta y experiencia cu Aruba, cu e Gobernacion di Carabobo, a traves di e secretaría di Promocion Comercial y turístico. A palabra cu e siguiente reunion por ta na Bonaire ya cu e isla aki a ofrece pa ta anfitrion pa e reunion ey unabez cu e fechanan keda estableci.