Turbina di biento di Urirama ta bay Vader Piet

ORANJESTAD – E parke di biento nobo na Urirama definitivamente lo no sigui, pero e explotado no ta acepta esaki. Den negociacion cu gobierno e ta trata di logra haña mulina di biento extra na e parke di biento existente na Vader Piet.

Manera ta conoci, recientemente conseho di minister a dicidi di retira e permit di molester pa e parke di biento controversial ku ocho mulina. Habitantenan den becindario ta protesta for di tempo cu e gabinete anterior di AVP a anuncia e di dos parke di biento.

Nan tabatin miedo especialmente pa nan salu i di molester di boroto. Tambe tabatin preocupacion pa molester pa e luga di peregrinacion famoso, Kapel Alto Vista. E kapel aki ta un atraccion turistico popular tambe.

CANTIDAD DI MOLINA DI BIENTO NOBO

Na 2014 gobierno a duna e permit y a cera un contract di entrega cu e explotado Henk Hutting. Pa motibo di e mesun acuerdo ey ainda Hutting por sinta rond di mesa cu e gobierno actual, aunke e di dos parke di biento no ta sigui mas. E meta ta pa instala mas turbina di biento na e parke di biento Vader Piet na San Nicolas. Hutting su compania a instala e parke di biento ey tambe na 2008. For di e tempo ey caba e tabata hasi negoshi cu e gobierno di MEP. E partido aki awor ta den gobierno atrobe.

E cliente di energia di biento ta e compania nacional di energia WEB. Actualmente nan ta investiga cuanto turbina di biento extra por pone acerca. “Nan ta bisa entre seis pa ocho, pero por bira dies tambe”, segun Hutting.

Autor: Ariën Rasmijn Ret Karibense