Morto di comerciante Manolo di ‘Sams’ a shock hopi hende

ORANJESTAD – For di momento cu e noticia a plama awe mainta di morto di e comerciante Indio Manolo Sabnani (50), conoci como ‘Manolo, doño di Sams Electronics’ , rednan social a inunda cu mensahe di condolencia, shock y tristesta. Esaki a demonstra e calidad di persona cu Manolo tabata. Un persona cu semper tabatin un sonrisa riba su cara, y tabata haci kico cu ta pa e cliente ta contento. ‘Mi friend how are you, how can we help you today’, tabata su saludo na su tur su clientenan. E la traha prome na Boolchands y despues a cuminsa cu su propio negoshi algun meter mas ariba, esta Sams. Mientras cu su negoshi tabatin cantidad di trahado, tur hende tabata pidi semper pa ‘Manolo’. Anectodanan tin suficiente, na candidad. Un cos ta sigur, manera Manolo, no tabatin dos. Paz na su restonan y cu Manolo sosega na paz. Nota: potret ta di Facebook.