Serlimar y Ecogas a yega na acuerdo den procesamento di sushi

BARCADERA - Serlimar y Ecogas a yega na acuerdo den procesamento di sushi. Asina oficina di minister di medio ambiente Otmar Oduber a confirma pa NoticiaCla diahuebs. Segun e ministerio, no solamente ta bay remedia Parkietenbos pero mehora e situacion y mira con ta bay haci cu e sushi cu tin ey riba. Basa riba esaki a cuminsa cu negociacionnan cu Ecogas cu a dura dos luna y diabierna ultimo Serlimar a cera un acuerdo cu Ecogas. E acuerdo ta encera cu ta hiba e sushi di cas y comercial cu no ta gorfvuil na Ecogas. Gobierno ta paga Ecogas pa paketa e sushi y Ecogas ta paga Gobierno/Serlimar pa dera e sushi na Seroe Tijshi. Un tereno cu legalmente gobierno a apunta. E meta ta, pa para 90% di e actividadnan na Parkietenbos.