Vaders: ‘Nini’ a keda keto pasobra den pasado a usa su declaracion contra dje

WILLEMSTAD – Cliente Burney ‘Nini’ Fonseca a haci derecho di keda keto (zwijg recht) pasobra den pasado, ministerio publico a usa su declaracion contra dje y a bisa cu e no ta papia berdad. Asina abogado Marije Vaders a bisa colega periodista Dick Drayer riba e motibo di a ‘keda keto’ den corte awe na Corsou. Keda keto berdad por tin un consecuencia negativo tambe pa e cliente, pero ta un decision di e cliente y e abogado, Vaders a bisa.

IRREGULARIDADNAN

Gran parti di e caso tabata basa riba aclariacion di irregularidadnan y inexactitudnan di e caso. Entre nan tabatin e momento cu Vaders a cuestiona e testigo Elvis “Monster” Kuwas pero mayoria di biaha Kuwas tabata responde cu e no ta corda. Y Vaders ta considera Kuwas ‘absolutamente no confiabel’. Diahuebs Vaders ta haya oportunidad pa presenta su defensa pa su cliente.