OM: Kier 26 aña prison pa Burny ‘Nini’ Fonseca den caso Maximus

WILLEMSTAD – Abogado general di ministerio publico a pidi 26 aña di prison pa e homber B. Nini Fonseca den e caso di apelacion Maximus. Ta sospecha cu Fonseca a keda contrata pa tercero, e culpabelnan intelectual, pa ehecuta e asesinato na 2013 riba politico Helmin Wiels. OM a yama Fonseca un ‘reglado di asesinato’ y complicenan, segun OM, a causa un tristesa grandi y irreparable den comunidad. Ademas, e actuacion violento ta crea inseguridad den comunidad ora cu nan a mata un representante di pueblo. ‘Un hecho hopi agravante, pa cual orden publico a keda severamente sacudi”. Fonseca a keda sentencia caba na 2017 den corte di prome instancia na 25 aña di prison. Elvis ‘Monster’ Kuwas tabata presente den corte awe como testigo. E ta sentencia caba den e caso y sintando un castigo di bida largo den prison na Hulanda. Potret di archivo cortesia Dick Drayer