Corte tratando caso Maximus na Corsou pa asesinato Wiels

WILLEMSTAD – Tur atencion na Corsou awe ta riba e caso Maximus, unda cu ta purba saca afo ken ta esnan cu a duna ordo y orchestra e asesinato di politico Helmin Wiels na mei di 2013. Diaranson mainta corte a scucha e.o. Elvis “Monster” Kuwas, sentencia como e asesino di Wiels, y Nini Fonseca (via video) cu ta sospecha di ta esun responsabel pa paga y orchestra e asesinato. Den corte Kuwas a keda interoga y puntra riba varios aspecto di e caso. Notable ta cu Kuwas a declara e.o. su problema cu Fonseca, y cu den pasado e la gaña, pero ora cu a tuma nota di e falsesdad di Fonseca, e la cuminsa papia. Keda pendiente pa e desaroyo di e caso. Potretnan cortesia Dick Drayer. Nota: e foto di corte ta archivo, pero si ta trata di e mesun hueznan. Tur otro potret ta actual.