Gobierno Hulandes ordena pa fortifica defensa pa islanan ABC

DEN HAAG – Gobierno Hulandes mester fortifica defensa militar pa islanan ABC contra Venezuela. Asina un mayoria abrumador den Tweede Kamer na Hulanda a ordena minister di Defensa Hulandes Ank Bijleveld awe. E intencion ta pa Bijleveld haci palabracionnan concreto cu Francia y Inglatera y eventualmente Merca pa prepara un defensa ‘robusto’. Dos fuente di nivel halto na Hulanda y Aruba a confirma esaki pa NoticiaCla.

MOCION

Tweede Kamer a acepta un mocion di Isabelle Diks (GroenLinks) cu e unico votonan en contra di partido SP y Partij voor de Dieren. E razon pa e mocion ta e preocupacion cu e disturbionan na Venezuela ta aumentando y cu e regimen di presidente Nicolas Maduro ta presta su mes pa ‘aventurismo militar’ den region. E motibo pa involucra Inglatera y Francia y eventualmente Merca, ta pasobra nan tambe tin interes den e region.