Diferencia entre gobierno y CFT riba rapport ta sigui

ORANJESTAD – ‘E critica fuerte di Hulanda a ignora tur e factornan cu a pone cu Aruba ta den un situacion financiero precario, y a enfoca su mes solamente riba un di e facetanan di nos recuperacion economico: E bista di presupuesto.’ Asina minister presidente interino Mike de Meza a skibi den un carta dirigi na presidente di parlamento Marisol Lopez Tromp, na occasion di e entrega di e presupuesto supletorio y e reaccion di gobierno riba e rapport di secretariado di College Financieel Toezicht.

De Meza ta sigui bisa den e carta cu ‘de hecho practicamente no tabatin casi diferencia di opinion den e forma di atende cu e situacion, entre gobierno y esnan cu a conduci e investigacion. “Mientras cu inicialmente e quick scan haci a confirma e precupacion di e Hulanda, pero den practica a mustra cu e factornan presente ta mustra mas faborabel cu e investigadornan inicialmente a kere”.

E mandatario ta confirma loke cu CFT ta raporta, cu e partidonan a ‘haya otro’ pa por a traha hunto y asisti otro durante e investigacion. “Gobierno di Aruba y e investigadornan por a eherce nan esfuerso den un forma practico y comun” de Meza ta sigui bisa. Algo cu CFT ta confirma tambe. CFT ta confirma tambe cu basa riba e acuerdo cu nan a traha hunto, no tabata necesario pa gobierno anjadi un rapport apart di esun di CFT.

Loke sinembargo CFT ta keda diferencia di opinion, ta e forma con gobierno tin cu atende cu su problemanan. Aki pues ta sigui un diferencia di opinion segun CFT. CFT ta confirma cu hunto a ‘implementa’ cierto cambionan den e rapport original. Pero los di esaki, gobierno ta keda cu problemanan cu nan tin soluciona, manera cu NoticiaCla.com a raporta caba. (Lesa e carta completo aki)