Telearuba lo keda dirigi pa un management team

ORANJESTAD – Gobierno ta bay nombra un management team di 2 persona proximamente pa maneha e planta di television Telearuba. Asina minister di telecomunicacion Chris Romero a bisa den un conferencia di prensa dialuna. E no kier a divulga e nomber di e personanan cu lo bay ocupa e funcionnan aki. Cu esaki lo bay wak con ta bay mehora e situacion di e planta di television. “Esey ta con leu nos ta aworaki” Romero a bisa. “Di parti di Telearuba nan ta haciendo nan maximo esfuerzo pa mehora e situacion eynan” e mandatario a sigui bisa.

CASO

E problema di Telearuba no ta solamente e programacion cu por ta ‘bieu’ sino e efecto di social media. “Esaki no ta solamente matando Telearuba pero diferente otro compania y diferente radionan. E cambionan ey tambe pronto lo conoce cambio” E mandatario a finalisa bisando. E no kier a duna un fecha riba cual e cambio di maneho lo tuma lugar.