Gobierno kier busca 9 bus segunda mano temporal di Hulanda

ORANJESTAD – Gobierno tin intencion di busca por lo menos 9 bus segunda mano for di Hulanda pa un fase transitorio, te ora cu nan keda cla pa busca e flota nobo di bus. Asina minister di transporte Chris Romero a informa dialuna mainta. Durante bishita recien di Romero, a atende cu e compania Connexion cu tabata dispuesto pa duna gobierno 9 bus segunda mano na un prijs hopi rasonabel. Busnan cu berdad ta segunda mano pero si den bon condicion y cu airco. Esaki ta duna e compania Arubus ‘espacio pa por traha’, mientras gobierno ta prepara pa un flota di bus nobo manera a priminti.

COSTO

E mandatario a splica NoticiaCla cu depende cua bus lo busca. Nan ta varia entre 5 y 20 mil euro pa bus, y lo tin un variacion entre e 9 busnan. Na tur, Romero a bisa cu por papia di un suma di 105 mil euro pa e 9 busnan, sin conta e transporte pa haya nan na Aruba, compara cu e suma di 170 mil dollar cu ta e gasto pa un bus nobo cu airco.